Śledam za «chalalnymi» ahurkami ŭ prodažy źjavilisia takija ž bakłažany
Usiaho tydzień tamu biełarusaŭ aburyli «chalalnyja» kalučyja ahurki, jakija pradavalisia ŭ internet-kramie sietki «Jeŭraopt». Ale nie paśpieŭ u Threads astyć raniejšy zapał, jak zahareŭsia novy — hetym razam praz bakłažany, piša Blizko.by.
Pry hetym kali na «chalalnyja» ahurki, pra jakija pisałasia raniej, nacenka skłała ŭsiaho 12 kapiejek, to za kiłahram «chalalnych» bakłažanaŭ pryjdziecca zapłacić užo na 2,3 rubla bolš.
U kamientarach karystalniki žartujuć i aburajucca:
«Nu jak za što nacenka, za etykietku Chalal».
«Samy nachabny markietynh, jaki ja bačyŭ».
«Vidać tamu, što nie ŭhnojvali śvinym hnojem».
Darečy, ciapier z sajta «Jedastaŭka» tyja samyja kalučyja chalalnyja ahurki źnikli. Ale zatoje prysutničajuć tyja samyja bakłažany i niekalki vidaŭ tamataŭ.
Chalalnaj ličycca pradukcyja, dazvolenaja i dapuščalnaja da spažyvańnia pa normach isłamu. Pad zabaronaj miasa śvininy, drapiežnych ptušak i žyvioł, kroŭ, a taksama ałkaholnyja napoi. Raślinnaja ježa pa zmaŭčańni źjaŭlajecca chalalnaj.
Čytajcie taksama:
Biełarusy aburylisia, što ŭ «Jeŭraopcie» pradajuć «chalalnyja» ahurki
Pad Minskam jość miesca z harodninaj i sadavinoj u 2‑3 razy tańniejšaj za kramnuju