Pad Minskam jość miesca z harodninaj i sadavinoj u 2‑3 razy tańniejšaj za kramnuju
Ujavicie: košyk aharodniny, sadaviny i navat ekzatyčnaj pitachai — za sumu, ad jakoj u supiermarkiecie ŭ vas akruhlacca vočy. Nie vierycie? Niekatoryja žychary Minskaha rajona nie płaciać lišniaha. Žurnalisty pristalica.by znajšli aharodninnuju bazu pad Minskam, dzie ceny nižejšyja za kramnyja ŭ razy, a tavar nie sastupaje pa smaku.
Baza raźmiaščajecca kala darohi. Unutry — pamiaškańnie zvyčajnaha składa, pachnie aharodninaj i sadavinoj, usio staić u skrynkach.
Vybar vialiki, i ceny sapraŭdy dziŭnyja: piekinskaja kapusta — 2 rubli za kiłahram, pitachaja — 4 rubli. Usio astatniaje (pierac čyrvony, žoŭty, zialony, bakłažany, pamidory, mandaryny, jabłyki, harbuz, vinahrad, kivi) — pa 3 rubli za kiłahram. Tut ža znajšli ababranuju bulbu: 3 rubli za kh, u pakiecie 5 kh.
Čamu tak tanna?
«Heta niekandycyja, — tłumačyć rabotnica bazy. — Pierabirajem toje, što dla kramaŭ niefotahieničnaje. Choć ad hetaha smak zusim nijak nie mianiajecca. Sprava ŭ formie».
Na vyhlad šmat jakaja harodnina vyhladaje narmalna, ale pierabirać jaje treba (jak i lubuju harodninu). Jość i tyja ekzemplary, u jakich zaŭvažny defiekt.
Kampanija maje dźvie bazy: u Minsku (aryjentavanaja na dastaŭku aharodniny i sadaviny ŭ restarany) i ŭ Akolicy, adkul tavar idzie na optavy prodaž u kramy pa ŭsioj krainie. Pastaŭki iduć z Uźbiekistana, Kazachstana, Kitaja i inšych krain — u zaležnaści ad siezona.
«Kramy mohuć nie pryniać tavar, kali forma niapravilnaja abo koler nie toj, — raskazvaje namieśnik dyrektara.— Tady my pakidajem takuju aharodninu i sadavinu na bazie i realizujem miascovym».
Hieahrafija pastavak — usia kraina, abłasnyja harady i tyja, što pa šlachu (naprykład, Baranavičy).
Pavodle słoŭ supracoŭnicy, u dzień siudy zazirajuć kala 20 čałaviek. U asnoŭnym heta žychary Akolicy.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku11
Kamientary