Na Filipinach adbyŭsia mahutny ziemlatrus

8 červienia na poŭdni Filipin adbyŭsia ziemlatrus mahnitudaj 7,8. Heta samy mahutny ziemlatrus, jaki zakranuŭ astraŭnuju dziaržavu sioleta.

Fota: Daniel Ceng/Anadolu via Getty Image

Pavodle paviedamleńniaŭ ŚMI, u vyniku stychii zahinuli jak minimum 19 čałaviek, bolš za 130 atrymali ranieńni, jašče 7 ličacca źnikłymi bieź viestak.

Stychija zakranuła vostraŭ Mindanaa. U jaho paŭnočnaj i centralnaj častkach paškodžanyja dziasiatki budynkaŭ, u tym liku škoły, balnicy i žyłyja damy.

Papiaredžańni pra mahčymaje cunami byli abvieščanyja na Filipinach, u Indaniezii i Japonii. Paźniej byli zafiksavanyja chvali vyšynioj ad niekalkich santymietraŭ da paŭtara mietra.

Filipiny ličacca adnoj z najbolš uraźlivych da stychijnych biedstvaŭ krain śvietu. Z-za raźmiaščeńnia ŭ zonie Cichaakijanskaha ahniavoha kolca kraina rehularna sutykajecca ź ziemlatrusami i vułkaničnaj aktyŭnaściu.

Cichaakijanskaje ahniavoje kolca — heta siejśmičny pojas, jaki ciahniecca ŭzdoŭž uźbiarežžaŭ Cichaha akijana ad Paŭdniovaj Amieryki da Dalokaha Uschodu i źjaŭlajecca adnoj z samych aktyŭnych u śviecie zon ziemlatrusaŭ i vyviaržeńniaŭ vułkanaŭ.

Kamientary da artykuła