Razłom tektaničnaj plity la ŭźbiarežža ZŠA pahražaje najbujniejšym ziemlatrusam
Daśledavańnie pakazvaje, što razłomy na zachodnim uźbiarežžy ZŠA mohuć vyklikać katastrafičnyja ziemlatrusy. Navukoŭcy zaklikajuć ułady rychtavacca.
Navukoŭcy zaniepakojeny mahčymaściu maštabnaha ziemlatrusu ŭ zonie subdukcyi Kaskadzija, jakaja znachodzicca ŭzdoŭž paŭnočna-zachodniaha ŭźbiarežža ZŠA. Mienavita tut akijaničnaja plita Chuan-de-Fuka pastupova zachodzić pad macierykovuju Paŭnočnaamierykanskuju plitu, piša The Guardian.
Śpiecyjalisty ličać, što nastupny ziemlatrus u hetym rehijonie moža stać «najbujniejšaj katastrofaj u historyi Paŭnočnaj Amieryki». Takaja padzieja nie tolki pryniasie maštabnyja razbureńni, ale i moža spravakavać siejśmičnuju aktyŭnaść u znakamitaj zonie razłomu San-Andreas u Kalifornii.
Na praciahu dziesiacihodździaŭ pa ŭsim zachodnim uźbiarežžy ZŠA isnujuć strachi nakont nabližeńnia «vialikaha ziemlatrusu» — katastrafičnaha šturška, zdolnaha zrujnavać harady. Adnak, zhodna z novym daśledavańniem, mocny ziemlatrus u rehijonie Paŭnočna-Zachodniaha ŭźbiarežža Cichaha akijana moža spravakavać druhasny na kalifarnijskim razłomie San-Andreas, vyklikajučy biesprecedentnuju katastrofu.
Pavodle słoŭ daśledčykaŭ, hety «jašče bolšy ziemlatrus» mieŭ by patencyjał vyklikać chaos uzdoŭž usiaho ŭźbiarežža.
«My možam čakać, što ziemlatrus na adnym z razłomaŭ zapatrabuje resursaŭ usioj krainy dla reahavańnia», — skazaŭ aŭtar daśledavańnia, marski hieołah i hieafizik Krys Hołdfinhier. «Kali jany spracujuć razam, to ŭ vas patencyjna San-Francyska, Portłand, Sietł i Vankuvier apynucca ŭ nadzvyčajnaj situacyi ŭ ścisłyja terminy».
Navukoŭcy zaklikajuć ułady ŭzmacnić padrychtoŭku da mahčymych nastupstvaŭ, uklučajučy sastarełuju infrastrukturu, uraźlivuju da mocnych padziemnych šturškoŭ.
Chto zabaraniaje ŭ Biełarusi knihi — voś hetyja 22 čałavieki33
Kamientary
I počiemu?