Mercedes, jaki šukali ŭ Polščy, chacieli vyvieźci ŭ Biełaruś
Na pamiežnym pierachodzie ŭ Terespali polskija pamiežniki zatrymali aŭtamabil Mercedes 2024 hoda vypusku, jaki znachodziŭsia ŭ vyšuku ŭ Polščy, paviedamiła polskaja Pamiežnaja słužba.
Fota: strazgraniczna.pl
53‑hadovy hramadzianin Polščy sprabavaŭ vyjechać na hetym aŭtamabili z Polščy ŭ Biełaruś. Padčas pravierki supracoŭniki Nadbužanskaha adździeła Pamiežnaj słužby ŭstanavili, što mašyna ličycca skradzienaj i znachodzicca ŭ bazie vyšuku.
Košt aŭtamabila aceńvajecca prykładna ŭ 300 tysiač złotych (kala 81,8 tysiačy dalaraŭ).
Pa fakcie zdareńnia raspačali pravierku. Kiroŭcu razam z aŭtamabilem pieradali supracoŭnikam palicyi ŭ Terespali dla dalejšaha rasśledavańnia.
Pavodle danych polskaj Pamiežnaj słužby, z pačatku 2026 hoda na polskaj miažy ŭžo było vyjaŭlena i viernuta 66 transpartnych srodkaŭ, jakija znachodzilisia ŭ vyšuku. Ich ahulny košt pieravyšaje 7 miljonaŭ złotych (kala 1,91 miljona dalaraŭ).