Bałharyja bolš nie budzie pastaŭlać zbroju va Ukrainu
Novy ministr abarony Bałharyi Dzimitar Stajanaŭ zajaviŭ, što jahonaja kraina bolš nie płanuje pastaŭlać uzbrajeńnie va Ukrainu.
Budynak urada Bałharyi. Fota: Artur Widak/NurPhoto via Getty Images
Pradstaŭlajučy svaje pryjarytety na novaj pasadzie, Stajanaŭ adznačyŭ, što nie bačyć vajennaha vyrašeńnia rasijska-ŭkrainskaha kanfliktu. Na jaho dumku, u ciapierašniaj situacyi nazapašvańnie zbroi pryvodzić tolki da novych čałaviečych achviar.
Pavodle słoŭ bałharskaha ministra, ciapier nieabchodna šukać spraviadlivaje mirnaje ŭrehulavańnie, umovy jakoha pavinny być vypracavanyja abodvuma bakami kanfliktu. Jon taksama zajaviŭ, što Ukrainie siońnia bolš patrebnyja ludzi, čym dadatkovaja zbroja, i što ŭzbrajeńniaŭ u jaje nibyta dastatkova.
Kiraŭnik abaronnaha viedamstva Bałharyi padkreśliŭ važnuju rolu Jeŭrapiejskaha sajuza ŭ situacyi vakoł Ukrainy, adnak vykazaŭ sumnieńnie, što ES moža vystupać niejtralnym pasiarednikam u mirnych pieramovach, pakolki ŭžo akazvaje padtrymku Kijevu.
Novy ŭrad Bałharyi pracuje z maja 2026 hoda pad kiraŭnictvam Rumiena Radzieva. Jašče padčas vybarčaj kampanii jon vystupaŭ suprać praciahu vajskovaj dapamohi Ukrainie i krytykavaŭ palityku Jeŭrasajuza ŭ hetym pytańni.
Na jaho dumku, mnohija rašeńni adnosna vajny prymajucca biez naležnaj acenki nastupstvaŭ, što moža pryvieści da novych prablem jak dla Bałharyi, tak i dla ŭsiaho Jeŭrapiejskaha sajuza.
Čytajcie taksama:
Vybary ŭ Bałharyi vyjhrała prarasijskaja partyja byłoha prezidenta Radzieva
«Raskoł pa linii ŭschod-zachad». Ci pieramoža na vybarach u Bałharyi «novy Orban»?