USU nanieśli ŭdar pa miescy dysłakacyi rasijskaha sapiornaha pałka na Danbasie
5 červienia 2026 hoda, jak paviedamlaje telehram-kanał «Dośje Špiona», byŭ naniesieny ŭdar pa miescy dysłakacyi 90‑ha sapiornaha pałka ŭ nasielenym punkcie Pijanierskaje Danieckaj vobłaści. Śćviardžajecca, što dla ataki vykarystali 25 udarnych bieśpiłotnikaŭ.
Skrynšot ź videa t.me/robert_magyar
U paviedamleńni havorycca pra jak minimum troch zahinułych i piaciarych paranienych rasijskich vajskoŭcaŭ, a adzin major źnik bieź viestak. Usie hetyja vajskoŭcy pieraličvajucca pajmienna.
Adznačajecca taksama, što ŭ vyniku ŭdaru byli źniščanyja inžyniernaje abstalavańnie, bojeprypasy i niekalki adzinak aŭtamabilnaj techniki.
Raniej pra ŭdar pa miescy dysłakacyi hetaha pałka jašče ŭ subotu, 6 červienia, paviedamiŭ kamandujučy Sił bieśpiłotnych sistem USU Robiert Broŭdzi (Madziar).
Raniej vajskoŭcy hetaha pałka, jak paviedamlajecca, rabili abarončuju «liniju Suravikina» na akupavanaj Chiersonščynie.
Čytajcie taksama:
USU ŭzmacniajuć cisk na Krym, situacyja stała składanaju dla rasijskaj armii
Ukraina atakavała centr vytvorčaści bieśpiłotnikaŭ na aeradromie pad Razańniu
Ukrainskija drony z ŠI aŭtanomna źbivajuć «šachiedy»: ich puścili ŭ sieryju