Syrki z pandaj zaraz buduć rabić nie ŭ Połacku

Kampanija «Savuškaŭ pradukt» adnaviła vypusk papularnych hłazuravanych tvarožnych syrkoŭ «Mi-Šu!» z vyjavaj pandy na ŭpakoŭcy. Pry hetym vytvorčaść była pieraniesiena z Połacka ŭ inšyja harady, piša biarozaŭskaja rajonka «Majak».

Fota: fabula.by

Paśla ŭklučeńnia Połackaha małočnaha kambinata ŭ skład chołdynha na pradpryjemstvie pačałasia maštabnaja madernizacyja. Kab nie spyniać vypusk pradukcyi i zabiaśpiečyć jaje najaŭnaść u kramach, vytvorčaść syrkoŭ arhanizavali na filijałach kampanii ŭ Biarozie i Baranavičach.

U kampanii adznačyli, što pieranos vytvorčaści adbyvaŭsia pry ŭdziele śpiecyjalistaŭ z Połacka, u tym liku technołahaŭ i majstroŭ cecha hłaziroŭki. Heta dazvoliła zachavać technałohiju vyrabu i praciahnuć vypusk pradukcyi biez značnych pierapynkaŭ.

Kamientary da artykuła