Biełarusku rasčaravali syrki «Top Crispy» z fundukom — u ich nie znajšłosia funduku
Volha pažaliłasia ŭ Threads na biełaruskija syrki pad brendam «Top» ad «Savuškaŭ pradukt». U syrkach nie akazałasia zajaŭlenaha na ŭpakoŭcy inhredyjentu, piša «Blizka».
Dziaŭčynu nie zadavoliła toje, što ŭ syrku «Top Crispy» z fundukom u hłazury i karamiellu ŭ hłazury nie znajšłosia funduku — «prosta hłazura ź dzirkami». Volha prykłała nie tolki ŭłasnyja fotadokazy, ale i adkaz ad brenda «Savuškaŭ pradukt» — tyja tłumačyli, što receptura i praporcyi stroha kantralujucca, ale mahčyma ŭ pracesie vymiešvańnia niešta pajšło nie tak i ŭ adnych porcyjach arechaŭ akazałasia bolš, čym u inšych.
Adnak u kamientaryjach karystalniki nie pahadzilisia ź mierkavańniem vytvorcy:
- «Bolš za miesiac kuplaju ich. Arechaŭ nikoli nie było».
- «Treba prałabijavać zakon jak u Japonii, kab źniešni vyhlad na ŭpakoŭcy adpaviadaŭ tamu, što ŭnutry».
Karespandenty vyrašyli pravieryć sami: kupili dva syrki «Top Crispy» za 1,02 rubla ŭ «Jeŭraopcie» z fundukom i karamiellu i z kakosam.
U składzie paznačany inhredyjenty ŭ hłazurnaj pasypcy: absmažanyja jadry funduku i kakosavaja stružka. Jany ž byli namalavany na piarednim baku ŭpakoŭki pobač ź jarkim nadpisam pra ich najaŭnaść.
Syrok z fundukom i karamiellu zajaŭlenych čakańniaŭ nie apraŭdaŭ — arechaŭ u hłazury praktyčna nie było. Navat ich smak nie adčuvaŭsia ŭ pracesie dehustacyi.
U kakosavaha syrka spravy išli lepš — pasypki było niašmat, ale značna bolš, čym funduku.
Ciapier čytajuć
U harach Kyrhyzstana z drona adšukali cieły źnikłych biełaruskich alpinistaŭ8
Kamientary