Połacki małočny kambinat pradajuć AAT «Savuškaŭ pradukt». Novy ŭłaśnik abiacaje za niekalki miesiacaŭ pieratvaryć staroje pradpryjemstva ŭ sučasny zavod, nakiravaŭšy na hetyja mety kala 70 miljonaŭ jeŭra. Pra ambicyjnyja płany kalektyvu paviedamiŭ hiendyrektar AAT «Savuškaŭ pradukt» Alaksandr Saŭčyc, piša Biełta. Pradajuć pradpryjemstva «pa rynačnym acenačnym košcie», jaki nie nazyvajecca.
Jak raskazaŭ Saŭčyc kalektyvu, madernizacyja pradpryjemstva pačniecca z abnaŭleńnia sietak: na zavodzie zamieniać vodapravod i kanalizacyju, jakija nie ramantavalisia 40 hadoŭ.
Chołdynh užo zakupiŭ sučasnaje abstalavańnie na 20 miljonaŭ jeŭra i hatovy mantavać jaho adrazu paśla padrychtoŭki placovak, raskazaŭ hiendyrektar.
Na pieršym etapie ŭ połackich cechach buduć vypuskać tvarožnyja syrki — da 40 t za sutki na piaci linijach. Taksama na novym zavodzie buduć pracavać dźvie linii rassypistaha tvarahu. Dla vytvorčaści masła viarški buduć pryvozić z aršanskaha cecha. Usie cechi i inšyja pamiaškańni poŭnaściu pierabudujuć, i ŭmovy pracy, jak abiacajuć, jakasna palepšajuć.
Asobnuju ŭvahu Saŭčyc nadaŭ losu kalektyvu. Jon zapeŭniŭ, što zvalnieńniaŭ nie budzie: tych, kaho zamienić aŭtamatyka, pradpryjemstva pieravučyć u svaim navučalnym centry dla pracy na składanaj technicy.
«Novy cech my pabudujem u maksimalna ścisłyja terminy, da Novaha hoda zmožam zaviaršyć poŭnuju rekanstrukcyju. My raźličvajem na vašu dapamohu ŭ budaŭnictvie, zadziejničajem mužčyn na roznych rabotach. U nas jość svaje budaŭniki, zvarščyki, ajcišniki, jakija tut, na miescy, buduć pracavać na ŭźviadzieńni zavoda razam z vami», — skazaŭ jon.
Taksama Alaksandr Saŭčyc prapanavaŭ usim achvočym pabyvać na inšych placoŭkach AAT, dla hetaha abiacajuć aŭtobus. Jon raskazaŭ pra sacpakiet dla rabotnikaŭ pradpryjemstva, jaki ŭklučaje miedycynskaje absłuhoŭvańnie, biaspłatnaje naviedvańnie basiejna, spartzały.
«Na pieršym etapie my płanujem nakiravać na rekanstrukcyju Połackaha małočnaha kambinata kala 70 młn jeŭra», — paabiacaŭ jon.
Staršynia Savieta Respubliki Natalla Kačanava taksama pryjechała na Połacki małočny kambinat. Śpikier vierchniaj pałaty parłamienta padkreśliła, što rašeńnie Łukašenki pradać połackaje pradpryjemstva «Savuškavu» było «absalutna vyvieranym», a inšych varyjantaŭ vyratavać zavod, pavodle jaje słoŭ, prosta nie isnavała.
Kačanava adznačyła, što ŭ chołdynhu ŭžo pracujuć bolš za 10 tysiač čałaviek, a siaredni zarobak tam składaje kala 4000 rubloŭ. Mienavita na taki ŭzrovień dachodaŭ i «supiersučasnyja ŭmovy» pavinny raźličvać pałačanie paśla poŭnaj rekanstrukcyi.
Pavodle słoŭ Kačanavaj, asnoŭnaj metaj jaje vizitu było skazać ludziam «vočy ŭ vočy», što nichto nie zastaniecca biez pracy.
Połacki małočny kambinat znachodzicca ŭ finansavym kryzisie: pa vynikach 2025 hoda jaho straty vyraśli ŭ 9 razoŭ i dasiahnuli 28,9 młn rubloŭ. Šmatlikija rearhanizacyi i dałučeńnie viciebskaha AAT «Małako» nie dali vyniku, tamu ŭ lutym 2026 hoda Alaksandr Łukašenka daručyŭ biznesmienu Alaksandru Mašenskamu zaniacca madernizacyjaj pradpryjemstva.
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
... i smak ad jaho ŭ tych svrkoŭ zusim nie toj, nie kažučy ŭžo pra karyysnać