Na niekatorych rekach pavysiŭsia ŭzrovień vady
Paśla daždžoŭ u Biełarusi adznačajecca pavyšeńnie ŭzroŭniu vady na bolšaści rek basiejnaŭ Dźviny, Niomana, Vilii, Biareziny i Prypiaci, a taksama na prytokach Dniapra i Soža. Za sutki vada padniałasia na 1—36 santymietraŭ, paviedamiŭ Biełhidramiet.
Zdymak ilustracyjny. Fota: «Naša Niva»
Na race Sušanka kala vioski Suša Kličaŭskaha rajona i na race Słuč kala vioski Klapčany Słuckaha rajona ŭzrovień vady pieravyšaje adznaki vychadu na pojmu.
Adnačasova na Dniapry i Sažy nazirajecca spad uzroŭniu vady — na 1—5 santymietraŭ za sutki.
Na Niomanie kala Hrodna, Dniapry kala Mahilova, a taksama na Sažy kala Kryčava, Słaŭharada i Homiela ŭzroŭni vady zastajucca nižejšymi za adznaki, jakija abmiažoŭvajuć sudnachodstva.
Tempieratura vady ŭ rekach składaje ad 14 da 22 hradusaŭ, u inšych vadajomach — ad 17 da 20 hradusaŭ.
Pavodle prahnozaŭ hidrołahaŭ, da kanca tydnia ŭzroŭni vady na bolšaści rek praciahnuć raści z-za čakanych apadkaŭ, miescami mocnych.
Čytajcie taksama:
U Breście źjavilisia niezvyčajnyja darožnyja aryjenciry dla turystaŭ
U Minsku nakryjuć naviesami ŭsie vychady z padziemnych pierachodaŭ
Pałovu nastupnaha tydnia budzie daždžyć, ale paśla raspahodzicca
«Budzie vilhać — buduć hryby». Pad Hrodnam užo źbirajuć lisički