Biełaruscy zakarcieła papracavać za miažoj, ale šlach jana abrała niaŭdały

U Maskoŭski RAUS Bresta źviarnułasia 62‑hadovaja žycharka horada, jakaja paviedamiła, što stała achviaraj machlarstva. Jana straciła bolš za 20 tysiač rubloŭ, sprabujučy ŭładkavacca na pracu za miažoj.

Fota ilustracyjnaje

Žančyna znajšła ŭ internecie abjavu pra pracu za miažoj i źviazałasia ź jaje aŭtaram. Paźniej joj paviedamili, što dla vyjezdu i pracaŭładkavańnia nieabchodna zarehistravać elektronny kašalok i papoŭnić jaho nibyta dla paćviardžeńnia płaciežazdolnaści.

Bieraściejka vykanała ŭsie instrukcyi i pieraviała na elektronny rachunak bolš za 20 tysiač rubloŭ. Kali ž praź niekalki dzion jana źviarnułasia ŭ słužbu padtrymki, kab pravieryć najaŭnaść hrošaj, to daviedałasia, što srodki z rachunku źnikli.

Ciapier milicyja pravodzić pravierku i ŭstanaŭlivaje asob, jakija mohuć być datyčnyja da złačynstva.

Siłaviki nahadvajuć, što ašukancy pry pošuku ludźmi pracy časta patrabujuć apłatu za afarmleńnie dakumientaŭ, vizy, navučańnie, śpiecadzieńnie abo inšyja pasłuhi. Ale ŭ vyniku ludzi mohuć nie atrymać ni pracy, ni svaich hrošaj nazad. Nastojliva rekamiendujecca praviarać pracadaŭcaŭ i nie pieradavać svaje asabistyja, bankaŭskija danyja i paroli nieviadomym asobam.

Kamientary da artykuła