U Indyi budaŭnictva hihanckaj soniečnaj elektrastancyi spyniła redkaja ptuška

U Indyi ŭvajšli ŭ supiarečnaść adna z adnoj dźvie zadačy: raźvićcio bujnoj soniečnaj enierhietyki i patreba zachavańnia vielmi redkaha vidu ptušak — vialikaj indyjskaj drafy, piša ecoportal.net.

Indyjskaja drafa. Fota: dibird.com

Raspracavany prajekt praduhledžvaŭ budaŭnictva hihanckaj soniečnaj elektrastancyi z kala 10 miljonaŭ panelaŭ u štatach Radžastan i Hudžarat — adnych z samych soniečnych rehijonaŭ krainy. Dla Indyi heta važny kirunak, bo kraina chutka pavialičvaje spažyvańnie elektraenierhii i adnačasova sprabuje źnizić zabrudžvańnie pavietra.

Ale prablema, što mienavita ŭ tych miaścinach žyvie vialikaja indyjskaja drafa — adna z samych redkich ptušak u śviecie, usiaho kala 150 asobin. Jana znachodzicca pad pahrozaj źniknieńnia i vielmi ŭraźlivaja da infrastruktury čałavieka: linii elektrapieradačy i inšyja pieraškody časta stanoviacca pryčynaj jaje hibieli.

Ptuška maje asablivaść — jana drenna bačyć pieraškody prosta pierad saboj i moža sutykacca ź linijami elektrapieradač. Tamu ekołahi i sudy pačali razhladać terytoryju jak krytyčnuju dla jaje vyžyvańnia.

U vyniku sud u Indyi pryniaŭ rašeńni, jakija abaviazvajuć ułady i raspracoŭščykaŭ źmianić płany: častku ziamli treba pakinuć pad achovu drafy i jaje asiarodździa. Heta faktyčna aznačaje, što maštabny enierhietyčny prajekt abo mocna skaračajecca, abo zamarožvajecca ŭ asobnych rajonach.

Kamientary da artykuła