75‑hadovuju minčanku asudzili za «zamach na sadziejničańnie ekstremizmu»

Lilija Hryńko — zvyčajnaja biełaruskaja piensijanierka, jakaja zachaplajecca łandšaftnym dyzajnam i bavić čas na pryrodzie. Niadaŭna jaje asudzili ŭ Minskim haradskim sudzie.

Lilija Hryńko. Fota ź jaje staronki ŭ Adnakłaśnikach

Lilija Leanidaŭna naradziłasia 13 maja 1951 hoda. Paśla škoły žančyna vučyłasia ŭ 2‑m miedycynskim vučyliščy, a paśla, u 1970‑m, skončyła Minski kaledž technałohii i dyzajnu lohkaj pramysłovaści. Paźniej, u 1983 hodzie, jana atrymała dypłom miechanika-technałahičnaha fakulteta BNTU (tady — Politechničny instytut). U apošnija hady žančyna na piensii.

Lilija Hryńko žyvie cichim žyćciom. Šmat času addaje lecišču, zachaplajecca łandšaftnym dyzajnam i lubić chadzić u les u hryby i na špacyry. U jaje profili ŭ «Adnakłaśnikach» možna znajści padpiski na tematyčnyja supołki dla aharodnikaŭ, a taksama staronki z žyćciovymi afaryzmami i cytatami.

Spakojnaje žyćcio na piensii parušyŭ kryminalny pieraśled. Minski haradski sud vynies 75‑hadovaj žančynie abvinavaŭčy prysud pavodle č. 1 art. 14, a taksama častak 1 i 2 artykuła 361‑4 Kryminalnaha kodeksa. Jaje abvinavacili ŭ zamachu na «sadziejničańnie ekstremisckaj dziejnaści».

Lilii Hryńko prysudzili chatniuju chimiju. Akaličnaści spravy nieviadomyja.

Kamientary da artykuła