65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?
Siarhieja Stasienku sudzili adrazu pa piaci ciažkich artykułach Kryminalnaha kodeksa. Jamu pahražała da dvaccaci hadoŭ kałonii.
Siarhieju Stasienku 65 hadoŭ. Jon ź vioski Łahuny Dobrušskaha rajona. Heta nievialikaja vioska na miažy z Rasijaj i blizka da ŭkrainskaj miažy. Pobač prachodzić čyhunka ŭ bok ukrainskaha horada Haradnia i raźmiaščajecca vajskovy aeradrom.
Pa źviestkach Belpol, raniej mužčyna kiravaŭ kampanijaj «Biełaŭtamatykaservis», jakaja remantuje vymiaralnyja prybory, ale zvolniŭsia adtul u 2014 hodzie. Paźniej Siarhiej kiravaŭ prajektnaj arhanizacyjaj «Remkatłaprajekt» i mieŭ ułasnuju kampaniju «TermaStajł», jakaja zajmałasia izalacyjnymi rabotami.
Z 2018 hoda pracavaŭ strachavym ahientam «Biełdziaržstracha» pa Homielskim rajonie.
Apošnim časam, mahčyma, Siarhiej pracavaŭ u Rasii — jon mieŭ tam rachunki i adras.
Apošni raz Stasienka byŭ anłajn u listapadzie 2025 hoda — tady jon ustupiŭ u supołku pra darožnuju abstanoŭku ŭ Homieli. Nieŭzabavie paśla hetaha jaho aryštavali.
Sudzili mužčynu ŭ Homielskim abłasnym sudzie za ceły šerah nibyta niezavieršanych złačynstvaŭ, bo ŭsie abvinavačvańni iduć praz artykuł za zamach. U śpisie — zamach na stvareńnie ekstremisckaha farmavańnia, sproba dziaržaŭnaj zdrady, niezakonnaje abychodžańnie sa zbrojaj, a taksama zamachi na akt teraryzmu i naŭmysnaje pryviadzieńnie ŭ nieprydatnaść rejek.
Uličvajučy, što ŭsio heta adbyvałasia vakoł vioski Łahuny, jakaja znachodzicca niedaloka ad miažy i važnaj transpartnaj infrastruktury, vierahodna, havorka idzie pra čarhovuju spravu rejkavaha partyzana.
Dakładny termin źniavoleńnia nieviadomy, ale mužčynu pahražała da 20 hadoŭ kałonii.
«Naša Niva» — bastyjon biełaruščyny
PADTRYMAĆ«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Miarkuju, žurnalist šukaŭ ślady čałavieka ŭ internecie, znajšoŭ choć taki, a "nieŭzabavie paśla hetaha" - nie pryčyna zatrymańnia, a blizkaść pa času roznych padziej.
Ź niehałoŭnaha abzacu Vy narabili ŭpeŭnienych vysnovaŭ. Ździŭlajusia, nakolki biazdumnyja kamientaryi, i kolki ž łajkaŭ jašče nabirajuć ad takich ža čytačoŭ.
Z artykuła ničoha istotnaha pa spravie nie viadoma. Tolki, dzie pracavaŭ.
Sprava moža być i nie sfabrykavanaj. Moh nasamreč być rejkavym partyzanam. I kali tak, asobnaja pavaha čałavieku.