U viežy «Hazprama», jakaja budujecca ŭ Minsku, zaŭvažyli ŭžo hatovy ofis. Što heta i navošta — niezrazumieła
Błohier Dzianis Blišč apublikavaŭ u svaim telehram-kanale fota ad padpisčyka, na jakim vyjaŭlenyja aśvietlenyja vokny na adnym z pavierchaŭ pakul što nie dabudavanaj viežy «Hazprama» ŭ Minsku. Pry hetym za voknami bačny «ceły hatovy ofis z meblaj i navat raślinaj u kadcy».
Fota: t.me/pureminsk
Pry hetym Dzianis Blišč za dzień da taho sam čytaŭ u Threads, što za tymi samimi voknami bačyli taksama ludziej u dziełavych harniturach.
Fota: t.me/pureminsk
«Heta, viadoma, nie hatovaja pracoŭnaja prastora, a admysłova stvorany dla niejkich zdymak interjer. Mahčyma, rekłamnych, mahčyma, dla patreb samoha deviełapiera», — robić ułasnaje dapuščeńnie, što heta mahło b być, błohier.
Paśla jon apublikavaŭ jašče dva fota ad padpisčyka, zroblenych užo ź inšaha boku, u samim hetym ofisie.
Fota: t.me/pureminsk
«Toj, chto dasłaŭ, nie viedaje jaho pryznačeńnia, ale kaža, što nijakich kamunikacyj u budynku niama, a śviatło na minułych zdymkach arhanizavana časovym rašeńniem», — tłumačyć Blišč.
Fota: t.me/pureminsk
Čytajcie taksama:
Jak budzie vyhladać «Hazpram Centr» u Minsku FOTY
25 hod tamu ŭ Minsku adkryli Maskoŭski aŭtavakzał — zhadvajem jaho los FOTY