Haradskaja architekturna-horadabudaŭničy rada razhledzieła abnoŭlenuju kancepcyju kompleksu, jaki budujecca na praśpiekcie Niezaležnaści, pišuć Minsk-naviny.

Zakazčyk admoviŭsia ad adnaho administracyjnaha abjekta, a taksama ad asobnych budynkaŭ dziciačaha i miedycynskaha centraŭ. Pamienšyłasia na 2-3 pavierchi vyšynnaść troch pakinutych ofisnych karpusoŭ. Adnak usie zapłanavanyja funkcyi zastanucca. Budynak, jaki ŭzvodzili jak haścinicu, častkova demantujuć.

U pakinutych dvuch padziemnych i dvuch naziemnych pavierchach raźmieścicca miedyka-adnaŭlenčy centr z dyjahnastyčnym i kansultacyjnym adździaleńniami. Taksama tam zapłanavany ŭniviersalnaja i trenažornaja zały, basiejny. U adnym z troch zbudavańniaŭ vakoł hałoŭnaha hmacha, abstalujuć haściničnyja numary i biźnies-apartamienty.

U składzie padziemna-naziemnaha styłabata praduhledžany vialiki parkinh, handlovyja płoščy, siamiejny centr, dapamožnyja pamiaškańni.

Ahulnaja płošča kompleksu skaraciłasia z 263 tys. da 200 tys. kv. m. Što tyčycca dobraŭparadkavańnia terytoryi, to jano zachoŭvajecca ŭ zadumanym vyhladzie — sa śviatładynamičnym fantanam i amfiteatram.

-
«Jašče adna dyviersija ŭ Jeŭropie na naftapierapracoŭčym zavodzie». Dla čaho hety novy fejk prapahandy?
-
Zavod «Haryzont» i dočki rasijskich bankaŭ trapili pad sankcyi Jeŭrasajuza
-
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu
Kamientary
nie razumieju
"iakija akružajuć hałoŭny hmach" ? ci nie: