U Minsku adkryjuć «muzyčnuju łaŭku» pamiaci Uładzimira Mulavina
U Minsku na bulvary, jaki nosić imia Uładzimira Mulavina, płanujecca adkryć niezvyčajnuju «muzyčnuju łaŭku» ŭ pamiać pra lehiendarnaha artysta — zasnavalnika i mastackaha kiraŭnika viadomaha vakalna-instrumientalnaha ansambla «Pieśniary», piša BiełTA.
Uładzimir Mulavin
Novy pamiatny abjekt źjavicca pobač sa skulpturnaj kampazicyjaj na bulvary ŭ stalicy.
Adkryćcio łaŭki zapłanavana na 3 lipienia, u aficyjny Dzień niezaležnaści. Jaje asablivaść u tym, što jana budzie «muzyčnaj»: kali na jaje prysieści, možna budzie pačuć niekalki piesień.
Pavodle zadumki, buduć hučać try kampazicyi. Siarod ich — «Ulica biez konca», u jakoj jość simvaličny radok pra toje, što vulicy nazyvajuć imionami ludziej. Taksama prahučać dźvie pieśni, pryśviečanyja žančynam u žyćci Mulavina — «Čyrvonaja ruža» i «Zavušnicy».
Starejšaja dačka muzykanta Maryna Mulavina adznačyła, što lubaja inicyjatyva, źviazanaja z pamiaćciu pra baćku, dla siamji maje asablivaje značeńnie i dapamahaje zachoŭvać jaho spadčynu žyvoj.
Čytajcie taksama:
«Naša Niva» vypuściła vialiki siužet pra zorku «Pieśniaroŭ» Leanida Bartkieviča
Pieravydali na vinile rok-opieru «Pieśniaroŭ» na słovy Kupały