Vyjšła novaja hrampłaścinka z rok-opieraj «Huślar» u vykanańni biełaruskaha vakalna-instrumientalnaha ansambla «Pieśniary», paviedamiła lehiendarnaja rasijskaja firma hukazapisu «Miełodyja».
Asnovaj dla tvora stała paema Janki Kupały «Kurhan»: muzyku da jaje napisaŭ Ihar Łučanok, a aranžyroŭku zrabiŭ Uładzimir Mulavin. Zapis rok-opiery byŭ ździejśnieny ŭ 1979 hodzie, hukaapierataram vystupiŭ Rafaił Rahimaŭ.
Pry pieravydańni na firmie praviali remasterynh i restaŭracyju huku, jakimi zajmaŭsia Maksim Pilipaŭ. Matrycy dla płaścinak vyrablalisia z aryhinalnych anałahavych majstar-stužak. Anatacyju padrychtavaŭ Dzianis Bajarynaŭ, a ŭ vydańnie ŭklučyli poŭny tekst libreta na biełaruskaj i ruskaj movach.
U svoj čas dziela hetaha prajekta «Pieśniary» značna pašyryli instrumientalny skład: dadali duchavyja i strunnyja instrumienty, a taksama dadatkovuju rytm-siekcyju. U muzycy tradycyjnyja biełaruskija instrumienty, takija jak cymbały i žalejka, spałučajucca z arhanam Chamonda i sintezataram Moog, a huśli hałoŭnaha hieroja pieradadzienyja hukam akustyčnaj hitary z efiektam fłendžara, što na toj čas było navatarskim rašeńniem.
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
Łukašenka raskazaŭ, jak asabista adradžaŭ ansambl «Pieśniary»
Ansambl «Pieśniary» budzie vypuskać pad svaim brendam harełku
Unuk Mulavina rekłamuje hadzińnik, vypuščany ŭ honar dzieda
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja8
Kamientary