Žycharka Hłuska Taćciana znajšła na svaim prysiadzibnym učastku niezvyčajny hryb — Mucinus Ravienela, jaki ŭ narodzie časta nazyvajuć «śmiardziučy smarčok». Hety redki vid pachodzić z Paŭnočnaj Amieryki i adnosicca da hryboŭ-sapratrofaŭ, jakija žyvuć za košt raskładańnia arhaničnych rečyvaŭ, piša «Kommierčieskij kuŕjer».
Žančyna vypadkova začapiła hryb i złamała jaho, ale niezvyčajny vyhlad znachodki pryciahnuŭ jaje ŭvahu. Hałoŭnaja ž jaho asablivaść — mocny niepryjemny pach, padobny da pachu padły, tamu ŭ ježu jon nie vykarystoŭvajecca.
U Biełarusi hety vid upieršyniu byŭ znojdzieny ŭ 2001 hodzie ŭ Viciebskim rajonie. Ciapier jaho zredku znachodziać u roznych kutkach krainy, najčaściej u parkach, sadach i na dačnych učastkach siarod vilhotnaj travy. Zvyčajna hryb źjaŭlajecca ŭ pieryjad z červienia pa vierasień.
Mucinus Ravienela zaniesieny ŭ Čyrvonuju knihu Biełarusi jak redki zanosny vid. Tamu, znajšoŭšy, jaho rajać nie zryvać i nie paškodžvać.
Ciapier čytajuć
«Źnik bieź źviestak» vielmi małady biełaruski najomnik15
Kamientary