Jakija karykatury na Łukašenku rabiŭ zabity ŭ Polščy rasijski mastak
U Biełaj-Padlašskaj siarod biełaha dnia strełami va ŭpor zabili rasijskaha karykaturysta Siamiona Skrapieckaha. U svoj čas jon padtrymaŭ biełaruskija pratesty. U svaich karykaturach mastak vostra krytykavaŭ Alaksandra Łukašenku.
Siamion Skrapiecki (sapraŭdnaje imia — Robiert Kuzaŭkoŭ) — viadomy mastak-karykaturyst, uradženiec Ałtaja. Mastak nabyŭ viadomaść dziakujučy svaim vostrym satyryčnym partretam i karykaturam na palityčnych lidaraŭ, u tym liku na Uładzimira Pucina, Ramzana Kadyrava, Alaksieja Navalnaha.
Siarod abjektaŭ jaho ŭvahi byŭ i Alaksandr Łukašenka.
«Lubimuju nie addajuć»
Napad byŭ ździejśnieny 15 červienia: zabojca niekalki razoŭ streliŭ u mastaka ź blizkaj adlehłaści. Vyratavać Skrapieckaha nie zmahli.
Pavodle źviestak ŚMI, u napadzie mahli ŭdzielničać dvoje złačyncaŭ. Zhodna ź nieaficyjnaj infarmacyjaj, palicyja zatrymała kala budynka konsulstva Biełarusi ŭ horadzie Biełaja-Padlašskaja hramadzianina Biełarusi. Ci maje jon dačynieńnie da zabojstva, aficyjnych paviedamleńniaŭ niama.
U dzień napadu mastak pisaŭ, što jamu pahražajuć «ruskija patryjoty», jakija abiacajuć, što «Kadyraŭ sam asabista, na zahad Pucina, zhvałcić» jaho.