Ukraina paraziła try ź piaci aŭtamabilnych paromaŭ na Kierčanskaj pierapravie

Rasijskija ŭłady ź siońniašniaha dnia zakryli pierapravu. A na Krymskim moście kałaps.

Skrynšot videa Exilenova+

Ukraina paraziła try ź piaci aŭtamabilnych paromaŭ na Kierčanskaj pierapravie ŭ Krymie. Videa z tryma pałajučymi sudnami apublikavaŭ ukrainski manitorynhavy telehram-kanał Exilenova+.

Pavodle źviestak krynicy, paromy byli paražanyja padčas ataki na port «Kaŭkaz», jaki ciapier taksama haryć. Sudziačy pa rasfarboŭcy sudnaŭ, heta mienavita aŭtamabilnyja paromy, piša «Ahienctva».

Ułady Krasnadarskaha kraju paćvierdzili ataku tolki na adzin aŭtamabilny parom. Adnak usia pieraprava ź siońniašniaha dnia zakrytaja. Čynoŭniki rekamiendavali vykarystoŭvać dla prajezdu ŭ Krym suchaputny maršrut praz anieksavanyja terytoryi Ukrainy, jaki z pačatku maja znachodzicca pad intensiŭnymi abstrełami ŭkrainskich vajskoŭcaŭ.

Tym časam na Krymskim moście, jaki zastaŭsia adnoj ź niešmatlikich daroh na vialikuju ziamlu, utvaryŭsia vielizarny zator na 700 mašyn. Na ŭjezd u Krym čarhi niama.

Kamientary da artykuła