U Minsku zaprašajuć pahladzieć na ŭsie adcieńni łavandy
Z 1 pa 3 lipienia Centralny bataničny sad NAN Biełarusi zaprašaje minčukoŭ i haściej stalicy na ekskursiju-praktykum «Usie adcieńni łavandy», jakaja projdzie na novaj ekspazicyi hetaj raśliny.
Zdymak ilustracyjny. Fota: magnific.com
Na ŭčastku płoščaj 16 sotak naviedvalniki zmohuć ubačyć redkija sarty vuzkalistaj łavandy, prystasavanyja da biełaruskaha klimatu, a taksama atrymać asałodu ad jaje charakternaha vodaru.
Padčas ekskursii navukovyja supracoŭniki raskažuć pra lekavyja ŭłaścivaści łavandy, jaje vykarystańnie ŭ parfumieryi, asablivaści efirnych alejaŭ, a taksama padzielacca paradami pa vyroščvańni hetaj raśliny.
Achvotnyja zmohuć zrabić fotazdymki na fonie kvitniejučaj łavandy.
Ekskursii buduć pačynacca ŭ 16:00 i praciahnucca kala paŭtary hadziny. Papiaredniaja rehistracyja nie patrabujecca.
Košt poŭnaha kvitka składaje 20 rubloŭ, a lhotnaha (dla školnikaŭ, studentaŭ, piensijanieraŭ i šmatdzietnych siemjaŭ) — 10 rubloŭ.
Čytajcie taksama:
Takoha Minska vy nie bačyli — jaho zasadzili «łavandaj». Jak vam?
Pad Minskam žančyna stvaryła na 45 sotkach kvietkavaje karaleŭstva
Z-za chałodnaha nadvorja turfirmy pieranosiać łavandavyja ekskursii