Takoha Minska vy nie bačyli — jaho zasadzili «łavandaj». Jak vam?
U hetym siezonie Minsk to tut, to tam adzieŭsia ŭ lohkija adcieńni liłovaha, fijaletavaha, bezavaha. Uźnikaje ŭražańnie, što ŭ horadzie stali masava vysadžvać łavandu. Onliner cfatahrafavaŭ pryhažość i daviedaŭsia ŭ «Minskzielanbudzie», što heta.
Raśliny z raskošnymi sukviećciami znajšli ŭ mnohich punktach Minska: jak minimum ich možna ŭbačyć kala parka Horkaha i Łošyckaha parka, niedaloka ad cyrka i Nacyjanalnaj biblijateki, u rajonie vulicy Kalinoŭskaha, u Lakeside Park kala «Paŭnočnaha bieraha». Jość i inšyja miescy, dzie bačyli takoje ćvicieńnie.
— U horadzie ŭ asnoŭnym vysadžany šałfiej dubroŭny i kaciamiatka. Heta dźvie raśliny, jakija vielmi padobnyja da łavandy, — raspaviała Alena Karotkina, namieśnik hienieralnaha dyrektara pa dobraŭparadkavańni i ŭtrymańni abjektaŭ zialonaj haspadarki «Minskzielanbuda». — Ale łavanda ŭ Minsku pasadžana ŭsiaho ŭ niekalkich miescach: kala Opiernaha teatra i «Alimpik Parka».
Raśliny vysadzili ŭ 2023 hodzie, udakładniaje surazmoŭca, i z kožnym hodam haradskija kłumby buduć vyhladać usio šykoŭniej.
— Heta šmathadovaja raślina, jakaja razrastajecca, i z hoda ŭ hod jaje stanovicca i budzie stanavicca bolš. Mnohija źviartajuć uvahu, tak. Dumajuć, što łavanda. Ale jana — bolš kapryznaja raślina, pozna zaćvitaje, plus maje ŭłaścivaść vyradžacca: kali doŭha raście na adnym miescy, nižnija parastki dzieravianiejuć, pakryvajucca karoj.
A voś kaciamiatka i šałfiej dubroŭny bolš zručnyja dla haradskich vulic. Naprykład, z-za praciahłaha ćvicieńnia.
— Pačynajuć ćviści ŭ pačatku červienia i da zamarazkaŭ. Adćviła partyja — zrazajem, raśliny znoŭ puskajuć streły i znoŭ ćvituć.
Adroźnić usie try raśliny nieśpiecyjalisty mohuć chiba što pa pachu. Pach łavandy viedajuć usie, u šałfieju trochi rezki pach, u kaciamiatki — limonny abo miatny, padkazvajuć daviedniki pa batanicy.
Ciapier čytajuć
Jakija retranślatary na miažy maje na ŭvazie Ukraina?42
Jakija retranślatary na miažy maje na ŭvazie Ukraina?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary