Kolkaść achviar ziemlatrusu ŭ Vieniesuele ŭzrasła da 589 čałaviek
Kolkaść zahinułych u vyniku mocnaha ziemlatrusu ŭ Vieniesuele dasiahnuła 589 čałaviek, jašče kala 2,9 tysiačy atrymali traŭmy. Pra heta paviedamiła kiraŭnica krainy Dełsi Radryhies.
Fota: AP Photo/Ariana Cubillos
Pavodle słoŭ Radryhies, najbolš paciarpieŭ štat Ła-Huajra, dzie vajskoŭcy ŭziali situacyju pad kantrol. Ratavalnyja słužby praciahvajuć pošuk tych, chto moh zastacca pad zavałami, a taksama zabiaśpiečvajuć žycharoŭ charčavańniem i pitnoj vadoj.
Raniej Ministerstva achovy zdaroŭja Vieniesueły paviedamlała pra 235 zahinułych, adnak paśla ŭdakładnieńniaŭ hetaja ličba značna pavialičyłasia. Pavodle aficyjnych źviestak, bolš za 50 tysiač čałaviek ličacca źnikłymi bieź viestak.
Ziemlatrus adbyŭsia 24 červienia. U krainie byli zafiksavanyja dva mahutnyja padziemnyja šturški mahnitudaj 7,2 i 7,5, epicentry jakich znachodzilisia prykładna za dziesiać kiłamietraŭ adzin ad adnaho ŭ štacie Jarakuj.
Čytajcie taksama:
U Vieniesuele ad ziemlatrusu abrynulisia dziasiatki budynkaŭ, budzie šmat achviar