U Vieniesuele ŭ vyniku ziemlatrusu — bolš za 200 zahinułych, tysiačy ludziej ličacca źnikłymi bieź viestak
U vyniku dvuch razburalnych ziemlatrusaŭ u Vieniesuele zahinuli jak minimum 235 čałaviek, paviedamiŭ ministr achovy zdaroŭja krainy Karłas Alvarada. Kolkaść achviar praciahvaje raści, a tysiačy ludziej pa-raniejšamu ličacca źnikłymi bieź viestak, piša Bi-bi-si.
Pavodle słoŭ staršyni Nacyjanalnaj asamblei krainy Chorchie Radryhiesa, 1520 čałaviek atrymali ranieńni, kala 200 zastajucca pad zavałami. Akramia taho, stychija całkam pazbaviła žylla nie mienš jak 2927 siemjaŭ, adznačyŭ Radryhies.
V.a. prezidenta Vieniesueły Dełsi Radryhies raniej abviaściła ŭ krainie nadzvyčajnaje stanovišča. Jana taksama paviedamiła pra zakryćcio mižnarodnaha aeraporta Karakasa.
Dva mocnyja padziemnyja šturški mahnitudaj 7,2 i 7,5 adbylisia ŭviečary ŭ sieradu na zachad ad stalicy Vieniesueły. Druhi padziemny šturšok staŭ najmacniejšym z 1900 hoda, paviedamlaje USGS. Paśla jaho adbyłosia jašče 138 aftaršokaŭ.
Staršynia Nacyjanalnaj asamblei Chorchie Radryhies taksama paviedamiŭ, što 250 budynkaŭ byli razburanyja abo atrymali surjoznyja paškodžańni, pryčym najbolšyja straty panios štat Ła-Huajra na poŭnač ad Karakasa.
Vystupajučy pa nacyjanalnym telebačańni, Chorchie Radryhies zajaviŭ, što Vieniesueła sutyknułasia z «surjoznymi pierabojami» ŭ pracy infrastruktury i žyćciova važnych słužbaŭ.
«Vierahodnyja vialikija čałaviečyja straty i maštabnyja razbureńni, a sama katastrofa, chutčej za ŭsio, maje šyrokamaštabny charaktar», — zajaviła Hieałahičnaja słužba ZŠA, adznačyŭšy, što pavodle papiarednich acenak kolkaść zahinułych moža skłaści ad 10 da 100 tysiač čałaviek.
Mnohija vieniesuelcy padčas ziemletrasieńnia znachodzilisia doma — u hety dzień kraina adznačała hadavinu bitvy pry Karaboba (1821), kali vojska Simona Balivara atrymała pieramohu nad ispanskimi vojskami i zabiaśpiečyła niezaležnaść Vieniesueły.
Mnohija žychary Karakasa, jakija vybiehli na vulicu, uzhadvali papiaredniaje razburalnaje ziemletrasieńnie, što adbyłosia ŭ 1967 hodzie. Tady ŭ dvuch rajonach Karakasa — Pałas-Hrandes i Altamira — abrynulisia žyłyja damy. U ahulnaj kolkaści zahinuli bolš za 200 čałaviek.
Kiraŭnik MUS Dyjasdada Kabieljo zhadaŭ mienavita hetyja dva rajony, kali ŭ efiry dziaržaŭnaha telebačańnia raskazvaŭ pra razburanyja budynki. Pavodle jaho słoŭ, ziemletrasieńnie taksama adčuvałasia ŭ štatach Truchiljo, Jarakuj, Karaboba, Arahua, Miranda i Ła-Huajra.
Ułady inšych krain amierykanskaha kantynienta vykazvajuć spačuvańni i prapanujuć Vieniesuele svaju padtrymku. Siarod ich i prezident ZŠA Donald Tramp.
«Dva mahutnyja ziemletrasieńni, jakija tolki što abrynulisia na vialiki narod Vieniesueły, majuć vielizarny maštab i ŭžo zabrali mnostva čałaviečych žyćciaŭ. Złučanyja Štaty hatovyja, žadajuć i zdolnyja dapamahčy! Ja daručyŭ usim viedamstvam našaha ŭrada padrychtavacca da apieratyŭnych dziejańniaŭ. My budziem pobač z našymi novymi i vialikimi siabrami», — napisaŭ jon u sacyjalnaj sietcy Truth Social.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary