Pradstaŭnik urada Vieniesueły pravioŭ pieršuju sustreču z pradstaŭnikami apazicyi, kab namiecić darožnuju kartu dyjałohu ab pierachodzie da demakratyi.
Učora, 18 červienia, adbyłasia sustreča kiraŭnika Nacyjanalnaj asamblei Chorchie Radryhiesa i byłoj deputatki ad apazicyi Dzinory Fihiery, jakaja napiaredadni viarnułasia ŭ Karakas paśla vaśmi hadoŭ vyhnańnia, piša Telesurtv.net.
U aficyjnaj zajavie, apublikavanaj Radryhiesam, havorycca, što sustreča pryznačana dla praviadzieńnia palityčnaha dyjałohu.
«Na hetaj naradzie byŭ pryznačany sumiesny technika-palityčny kamitet, paradak dnia jakoha ŭklučaje kankretnyja etapy i terminy, što sadziejničajuć umacavańniu demakratyi, kansalidacyi miru i pabudovie budučaha dabrabytu i praćvitańnia dla vieniesuelcaŭ», — havorycca ŭ zajavie Chorchie Radryhiesa.
Jak paviedamili ŭ Dziarždepartamiencie ZŠA, paradkam dnia sustrečy byŭ palityčny dyjałoh pra demakratyčny pierachod.
Hety paradak dnia ŭklučaje adnaŭleńnie demakratyčnych instytutaŭ Vieniesueły, umacavańnie Nacyjanalnaha palityčnaha forumu, adnaŭleńnie nadziejnych harantyj palityčnaha ŭdziełu i zabieśpiačeńnie asnoŭnych hramadzianskich svabod dla adkrytaha palityčnaha dyjałohu.
Dziarždepartamient ZŠA taksama ličyć heta «pieršym krokam u tym, što stanie pradumanym pracesam pa stvareńni svabodnaha i adkrytaha vieniesuelskaha hramadstva».
Chorchie Radryhies — brat časovaj prezidentki krainy Dełsi Radryhies, jakaja pryjšła da ŭłady paśla taho, jak śpiecnaz ZŠA 3 studzienia vykraŭ Nikałasa Madura.
65‑hadovaja Fihiera, člen partyi «Spraviadlivaść pieradusim», uznačalvała Nacyjanalnuju asambleju ŭ 2015 hodzie, a ŭ 2018‑m pakinuła krainu, jak ličać u ZŠA, z-za «pahroz i pieraśledu». Paśla viartańnia jana dystancyjavałasia ad lidarki apazicyi i łaŭreatki Nobieleŭskaj premii miru Maryi Karyny Mačada, jakaja niadaŭna vystupiła z ułasnaj inicyjatyvaj pa praviadzieńni takich pieramoŭ.
Ciapier čytajuć
A što budzie, kali viarnucca ŭ Biełaruś? Kažuć ža, što represii zakančvajucca5
A što budzie, kali viarnucca ŭ Biełaruś? Kažuć ža, što represii zakančvajucca
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2020
Kamientary
U Vieniesuele apazycyja pieramahła u 2016 hodzie prajšło 10 hod ...