U Rasii pradajuć «biełaruskaje» maroziva. Ale biełarusu dastatkova hlanuć na ŭpakoŭku FOTAFAKT
Adzin z karystalnikaŭ Threads vykłaŭ u sacsietcy fota tavaru, jaki pradajecca ŭ Rasii pad vyhladam biełaruskaha. Ale biełarusu dla taho, kab zrazumieć uviadzieńnie ŭ zman, dastatkova kinuć voka na nazvu brenda.
Padavanaja jak biełaruskamoŭnaja nazva maroziva, zaŭvažanaha na pryłaŭkach adnoj z kram Sankt-Pieciaburha, — «Alesiny skazki». Aznajamleńnie ź infarmacyjaj pra vytvorcu paćviardžaje sumnievy — pradukt nasamreč vyrableny ŭ rasijskim horadzie Ćvier.
Sam aŭtar padpisaŭ svoj dopis «Šcirlic jašče nikoli nie byŭ taki blizki da pravału», a biełarusy ŭ kamientarach spaborničajuć u źjedlivaści:
«Tak, tut užo pa piarednim boku zrazumieła, što nie naša…»
«Dastatkova «Skazak». Rekvizity vytvorcy ŭžo možna nie čytać».
«Tłuščy vaviorki».
«Niešta hetaja Alesia breša».
«Nu paśla V i Z… litara I nie ździvić…»
«Jak jany nie zdolnyja chacia b u Huhle pravieryć movu, to jakaja tam jakaść vytvorčaści?!»
«A potym buduć pisać: «Biełarusy, čamu vaša maroziva takoje niasmačnaje?»
Čytajcie taksama:
U Minsku znajšli «cukierki ź dziacinstva». Praŭda, vyhlad ich padmanlivy