U Minsku znajšli «cukierki ź dziacinstva». Praŭda, vyhlad ich padmanlivy
U adnoj sa staličnych kram, jakaja śpiecyjalizujecca na prodažy zamiežnych prysmakaŭ i snekaŭ, znajšli cukierki, jakija ŭ mnohich asacyjujucca ź dziacinstvam. Na ich źviarnuła ŭvahu minčanka Iłona ŭ Threads, piša Blizko.by.
Dziaŭčyna ŭbačyła na palicach kramy Crispy «Kiśličku», «Šypučku» i «Małočnuju kroplu», jakija ŭ nulavyja pradavalisia ledź nie ŭ kožnaj kramie. Praŭda, ciapier hetyja cukierki pryvieźli ź Irana, a kaštujuć jany 30—40 kapiejek za 6 hramaŭ.
Niahledziačy na nastalhičnyja ŭspaminy, jakija vyklikaŭ źniešni vyhlad adnoj tolki abhortki, mnohija karystalniki nie rekamiendavali brać hety «kavałačak dziacinstva»:
«Lepš nie tracić hrošy. Prynamsi, Šypučkam vielmi daloka da aryhinała, Kiślička jašče bolš-mienš».
«Žudasnyja cukierki, uvohule nie tyja samyja».
«Tannaja padrobka».
Dehustatary adznačali, što šypučy parašok u «Šypučcy» nie šypieŭ na jazyku, za što cukierku tak lubili. «Małočnaja kropla» akazałasia zanadta prytarna-sałodkaj. I tolki «Kiślička» akazałasia blizkaj da svajoj «pieršakrynicy».
Aryhinalnyja cukierki vypuskała znakamitaja ŭkrainskaja kandytarskaja fabryka Roshen, jakaja naležyć byłomu prezidentu Ukrainy Piatru Parašenku. Ale ŭ 2022 hodzie pa zrazumiełych pryčynach pastaŭki lubych ukrainskich tavaraŭ u Biełaruś spynilisia.
«Cukierki ŭ šakaładze, b**dź!» Rasijskaja błohierka-miljońnica naviedała Biełaruś i vyśmiejała biełaruskuju movu
Piensijanier z Homiela znajšoŭ u chatniaj schovancy «samyja naturalnyja» savieckija šakaładki
«Ja irys usio roŭna źjem, ale viarnicie mnie 1,29 rubla». Chłopiec znajšoŭ u cukiercy niečakany siurpryz
U Smalavickim rajonie złodzieja padviała luboŭ da sałodkaha
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary