U Vieniesuele 11‑hadovaha chłopčyka žyvoha dastali z-pad zavałaŭ praz 70 hadzin paśla ziemlatrusu

Pra historyju vyratavańnia chłopčyka raskazała ŭ sacsietcy X časovaja prezidentka Vieniesueły Dełsi Radryhies.

Skrynšot ź videa

Ščaślivy vypadak siarod sucelnaha hora zafiksavany ŭ Karabaljedzie, stalicy Ła-Huajry — štata, jaki najbolš paciarpieŭ ad ziemletrasieńniaŭ.

«Usiaho niekalki chvilin tamu ŭ Karabaljedzie byŭ vyratavany žyvym 11‑hadovy chłopčyk. U hetyja hadziny kožnaje žyćcio — heta nadzieja dla Vieniesueły», — napisała Dełsi Radryhies.

Pavodle aficyjnych danych, na hety čas zahinuli 1430 čałaviek, bolš za 3200 atrymali ranieńni. Amal 70 tysiač čałaviek usio jašče ličacca źnikłymi bieź viestak.

Dva ziemlatrusy adbylisia z roźnicaj usiaho ŭ 39 siekund u sieradu ŭviečary na zachad ad stalicy krainy Karakasa. Šturški mieli mahnitudu 7,2 i 7,5. Zhodna z aficyjnymi zajavami, pa stanie na hety momant adbyłosia kala 430 afteršokaŭ.

Kamientary da artykuła