U biełaruskich rekach źnižajecca ŭzrovień vady
U najbližejšyja dni ŭzroŭni vady ŭ rekach Biełarusi buduć praciahvać źnižacca. Pra heta paviedamili ŭ Biełhidramiecie.
Zdymak ilustracyjny. Fota z sacsietak
Za apošnija niekalki dzion na bolšaści rek krainy ŭžo naziraŭsia spad uzroŭniu vady. Na Dniapry kala Łojeva jon apuściŭsia nižej za niebiaśpiečna nizkuju adznaku, a na Dźvinie ŭ Viciebsku dasiahnuŭ takoha ŭzroŭniu.
Pavodle stanu na 30 červienia, na rekach krainy ŭzrovień vady źnižajecca da 9 santymietraŭ za sutki abo zastajecca amal bieź źmienaŭ. Na Niomanie kala Hrodna, Dniapry kala Mahilova, Žłobina i Łojeva, Biarezinie kala Babrujska, a taksama na Sažy kala Kryčava, Słaŭharada i Homiela ŭzroŭni vady ŭžo nižejšyja za adznaki, nieabchodnyja dla biaśpiečnaha sudnachodstva.
Tempieratura vady ŭ rekach ciapier składaje ad +18 da +29 hradusaŭ, a ŭ aziorach i inšych vadajomach — ad +22 da +27 hradusaŭ.
Pavodle prahnozu hidrołahaŭ, spad uzroŭniu vady praciahniecca. Čakajecca, što na Dniapry kala Rečycy i na Biarezinie kala Śvietłahorska vada taksama apuścicca nižej za ŭzrovień, jaki zabiaśpiečvaje sudnachodstva.
Čytajcie taksama:
Na sieradu znoŭ abviaścili apošni čyrvony ŭzrovień niebiaśpieki — zaŭtra apošni dzień piekła
U Pinsku ŭ śpioku smažać jajki prosta na soncy
Jak vyžyć u anamalnuju śpioku. Niečakanyja, ale dziejsnyja parady navukoŭcaŭ