Na sieradu znoŭ abviaścili apošni čyrvony ŭzrovień niebiaśpieki — zaŭtra apošni dzień piekła
Z čaćviarha śpioka pavinna adpuścić.
U sieradu, 1 lipienia, u dzionnyja hadziny na bolšaj častcy terytoryi krainy maksimalnaja tempieratura pavietra składzie +30…+34 °C, pa paŭdniovym zachadzie — +35…+37 °C. U Minsku čakajecca +30…+32 °C, paviedamiŭ Biełhidramiet.
Udzień pa zachodniaj pałovie krainy prahnazujucca karotkačasovyja navalničnyja daždžy, miescami — mocnyja zalevy mahčymy hrad.
U čaćvier, 2 lipienia, nadvorje buduć vyznačać aktyŭnyja frantalnyja padzieły. Pa paŭdniovym uschodzie zachavajecca ŭpłyŭ vielmi ciopłych trapičnych pavietranych mas.
Na bolšaj častcy terytoryi krainy projduć karotkačasovyja daždžy. Miescami čakajucca mocnyja daždžy i navalnicy, udzień mahčymy hrad.
Unačy — +17…+23 °C, pa paŭnočnym zachadzie — +15…+16 °C. Maksimalnaja ŭdzień — ad +21 °C pa zachadzie da +35 °C pa paŭdniovym uschodzie.
U piatnicu, 3 lipienia, umovy nadvorja ŭ Biełarusi buduć vyznačać frantalnyja padzieły i bolš prachałodnyja pavietranyja masy, jakija pastupiać z paŭnočnaha zachadu Jeŭropy.
Ranicaj i ŭdzień na bolšaj častcy terytoryi Biełarusi projduć karotkačasovyja daždžy. Miescami prahnazujucca navalnicy.
Unačy składzie +11…+17 °C, pa paŭdniovym uschodzie — da +20 °C. Maksimalnaja tempieratura ŭdzień — +20…+27 °C.
Nadvorje ŭ Minsku na nastupnyja dni pavodle yr.no
Kamientary