U Prypiaci pavialičvajecca kolkaść ryby, raniej zaniesienaj u Čyrvonuju knihu
U race Prypiać adznačajecca pavieličeńnie papulacyi padusta — ryby, jakaja da 2014 hoda była zaniesiena ŭ Čyrvonuju knihu Biełarusi, piša partał Fishingby.com.
Zvyčajny padust. Fota: fishingby.com
Jak paviedamlajuć rybałovy, kali raniej padust u Prypiaci traplaŭsia vielmi redka, to ciapier jaho ŭsio čaściej łoviać amatary rybnaj łoŭli. Choć havaryć pra masavy vyłaŭ pakul rana, pry spryjalnych umovach na hetuju rybu ŭžo možna rybačyć metanakiravana. Časam na kručok traplajucca i davoli bujnyja asobiny.
Śpiecyjalisty adznačajuć, što paśla nierastu padust trymajecca nievialikimi hrupami. Z-za hetaha moža stvaracca ŭražańnie, što jaho mała, choć nasamreč papulacyja značna bolšaja.
Padust łovicca na tyja ž prynady, što i inšyja karpavyja ryby. Jon adroźnivajecca rezkaj pakloŭkaj i pry vyvožvańni akazvaje mocnaje supraciŭleńnie.
Pavieličeńnie kolkaści padusta ŭ Prypiaci ličycca dobrym pakazčykam stanu račnoj ekasistemy. Kali ciapierašniaja tendencyja zachavajecca, hety vid moža kančatkova stać adnym sa zvyčajnych nasielnikaŭ Prypiaci.
Čytajcie taksama:
U Małaryckim rajonie znajšli redkuju raślinu
U Červieńskim rajonie mužčyna złaviŭ 8 ryb i zapłaciŭ 5800 rubloŭ
Hałkipier chakiejnaha «Dynama» złaviŭ raskošnaha karpa
Ryby śpiać značna bolš padobna da ludziej, čym ličyłasia. I navat lubiać dniom padramać