Biełarusy ŭsim Threads prapanujuć dapamohu paciarpiełym žycharam Lenina, 9

Pierajezd, prybirańnie, ramont — tredčanie robiać pierakličku, chto čym choča dapamahčy paciarpiełym ad pažaru žycharam Lenina, 9.

Adna z karystalnic sacsietki źviała ŭ adzin post usie prapanovy ab dapamozie i dadała: «Niachaj dapamoha pryjdzie da kožnaha, chto ŭ joj maje patrebu», zaŭvažyŭ Onliner.

Siarod nieabyjakavych tredčan adznačylisia indyvidualnyja pradprymalniki i kampanii. Ahienctva nieruchomaści hatova akazać dapamohu pasłuhami-kansultacyjami, a taksama rečami: adzieńniem i abutkam dla darosłych i dziaciej, paścielnaj bializnaj, ručnikami, posudam, pradmietami asabistaj hihijeny.

Małady čałaviek, jaki nazvaŭsia ŭładalnikam nievialikaj kampanii pa ramoncie kvater i kamiercyjnaj nieruchomaści, napisaŭ:

— Hatovy dapamahčy ŭsim, chto paciarpieŭ ad hetaha žachu. Nie biaspłatna, a ź vialikaj źnižkaj, nu a štości i biaspłatna — elektryka, santechnika, padłohi.

Jašče adna dziaŭčyna prapanavała paciarpiełym psichałahičnuju dapamohu jak vałancior: «Nie mahu być biezudzielnaj».

— Na suviazi hitarnaja majsternia. Kali my možam vam niejak dapamahčy, napišycie, — pakinuli post chłopcy.

Klininhavaja kampanija, u svaju čarhu, prapanavała biazvypłatnuju dapamohu adnoj z kvater, jakaja paciarpieła ad pažaru. Hruzapieravozčyki taksama nie zmahli zastacca ŭbaku i abiacajuć dapamahčy ź pieravozkaj rečaŭ, mebli ci inšaj majomaści — ź vialikaj źnižkaj, a štości i biaspłatna.

Akramia taho, karystalniki vyklikalisia arhanizavać dapamohu žylcam i prosiać dapamahčy z kantaktami paciarpiełych ludziej.

Kamientary da artykuła