U Biełaviežskaj puščy buduć rabić kancertnuju placoŭku
U Nacyjanalnym parku «Biełaviežskaja pušča» płanujuć stvaryć šmatfunkcyjanalnuju placoŭku dla praviadzieńnia kancertaŭ i inšych kulturnych mierapryjemstvaŭ. Prajekt praduhledžvaje źmianieńnie funkcyjanalnaha pryznačeńnia častki haspadarčaj zony parku. Placoŭku chočuć raźmiaścić pobač z archieałahičnym muziejem.
Archieałahičny muziej u Biełaviežskaj puščy. Zdymak ilustracyjny. Fota: «Jandeks-Karty»
Hetaje pytańnie abmierkavali ŭdzielniki pasiadžeńnia navukova-techničnaj rady pryrodaachoŭnaj ustanovy. Dakładnyja terminy pačatku budaŭnictva pakul nie nazyvajucca.
Akramia taho, na hetym pasiadžeńni razhladalisia mahčymaść adkryćcia karjeraŭ u achoŭnaj zonie Biełaviežskaj puščy ŭ Kamianieckim rajonie, a taksama pieradača Ministerstvu enierhietyki ziamielnych učastkaŭ uzdoŭž vysakavoltnych linij elektrapieradačy ŭ adpaviednaści z rasparadžeńniem Alaksandra Łukašenki.
Čytajcie taksama:
Na darozie da Biełaviežskaj puščy raźmietka i znaki buduć śviacicca
U Biełaviežskaj puščy čeznuć viekavyja dubrovy. Navukoŭcy patłumačyli, što adbyvajecca
Kala Biełaviežskaj puščy stvarajuć muzyčnuju trasu ź pieśniaj «Pieśniaroŭ»
Biełaviežskaja pušča patłumačyła, čamu pieraniesła technarejv