U Biełaviežskaj puščy čeznuć viekavyja dubrovy. Navukoŭcy patłumačyli, što adbyvajecca
U Nacyjanalnym parku «Biełaviežskaja pušča» fiksujecca prykmietnaje paharšeńnie stanu starych dubovych lasoŭ. Jak vyśvietlili navukoŭcy, viekavyja drevy prosta nie vytrymlivajuć novych klimatyčnych vyklikaŭ.
Stan pierastojnych (vielmi starych) lasoŭ acanili supracoŭniki łabaratoryi aptymizacyi i manitorynhu ekasistem Instytuta ekśpierymientalnaj bataniki Nacyjanalnaj akademii navuk Biełarusi. Jak paviedamlaje telehram-kanał ustanovy, daśledčyki praviali manitorynh na siami pastajannych punktach nazirańnia ŭ chvajovych i dubovych farmacyjach puščy — to-bok u bujnych lasnych masivach, dzie histaryčna daminujuć mienavita hetyja parody dreŭ.
Acenka biahučaha stanu ekasistem rabiłasia na asnovie bijaindykacyjnych pakazčykaŭ. Heta taki mietad daśledavańnia, pry jakim zdaroŭje navakolnaha asiarodździa vyznačajuć nie praz składanyja chimičnyja analizy hleby ci pavietra, a pa źniešnim vyhladzie, tempie rostu i ahulnym samaadčuvańni samich žyvych arhanizmaŭ — u hetym vypadku dreŭ.
Vyniki daśledavańnia pakazali, što dubovyja nasadžeńni znachodziacca ŭ asłablenym stanie. Pry hetym śpiecyjalisty adznačajuć cikavuju detal: stan duba čareščataha (abo zvyčajnaha) aceńvajecca značna horš, čym stan bolš redkaha duba skalnaha i inšych spadarožnych parod lesu, takich jak hrab, klon, lipa, asina i jełka.
Navukoŭcy nazyvajuć adrazu niekalki pryčyn takoha stanovišča. U pieršuju čarhu na drevy ŭpłyvaje naturalnaje stareńnie i nastupstvy zasušlivych pieryjadaŭ apošnich hadoŭ, jakija mocna bjuć pa vilhacielubivych ekasistemach.
Niehatyŭny ŭpłyŭ akazvaje i adsutnaść sanitarnych mierapryjemstvaŭ u zapaviednych zonach.
Siarod hałoŭnych pahroz dla puščanskich dubrovaŭ daśledčyki vyłučajuć raźvićcio fitapatahienaŭ — niebiaśpiečnych dla dreŭ chvarobatvornych hrybkoŭ i bakteryj. Akramia taho, les pakutuje ad nasiakomych-škodnikaŭ i abjadańnia dzikimi žyviołami, što ŭ navukovaj terminałohii nazyvajecca zaahiennym faktaram.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
Kolki dziesiacihodździaŭ projdzie, kab vyraścić niekalki pakaleńniaŭ darosłych dreŭ?
Tym bolš, razmova zaraz nie pra "kab niešta rasło" - možna znajści i bolš paŭdniovyja kultury, a kab zachavać naturalnyja (pieršabytnyja) lasy.