«Biełavija» z-za tajfunu pieraniesła rejs u Kitaj
Rejs «Minsk — Sańja — Minsk» pieraniesieny z 4 na 5 lipienia z-za tajfunu Maysak, paviedamiła pres-słužba avijakampanii «Biełavija».
Mižnarodny aeraport «Fieniks» u Sańji. Fota: Wikimedia Commons
Pavodle prahnozaŭ kitajskich mietearołahaŭ, stychija pryniasie na poŭdzień krainy mocny viecier i daždžy, tamu paloty ŭ takich umovach ličacca niebiaśpiečnymi.
Avijakampanija paviedamiła, što hrafik prosta ssunuty na sutki: 5 lipienia samalot vylecić pa raniej zapłanavanym časie.
Pasažyraŭ prosiać sačyć za statusam rejsu na tabło aeraportaŭ i praz raździeł «Status braniravańnia» na sajcie avijakampanii.
Horad Sańja, u jaki vykonvajecca hety rejs, znachodzicca na kitajskim vostravie Chajnań, jaki ŭ apošnija hady staŭ papularnym turystyčnym kirunkam.
Čytajcie taksama:
«Biełavija» zapuściła adzinyja kvitki z «Aerafłotam»
«Biełavija» paviedamiła pra adnaŭleńnie rejsaŭ na Fukuok