Avijakampanija «Biełavija» paviedamiła pra adnaŭleńnie siezonnaj čartarnaj prahramy na vjetnamski vostraŭ Fukuok. Pieršyja rejsy zapłanavanyja na 13 i 23 kastryčnika.
Paloty buduć vykonvacca dvojčy na tydzień — pa aŭtorkach i subotach. Turysckuju prahramu budzie arhanizoŭvać kampanija «AeraBiełServis».
Čartarnyja rejsy na Fukuok užo vykonvalisia letaś. Pieršy samalot pa hetym maršrucie adpraviŭsia 12 kastryčnika.
Z 20 sakavika «Biełavija» taksama ažyćciaŭlaje paloty ź Minska ŭ vjetnamski kurortny horad Niačanh. Raniej avijakampanija płanavała adkryć čartarnyja rejsy ŭ Dananh, adnak ad hetaj idei admovilisia praz rost cenaŭ na avijacyjnaje paliva, vyklikany kanfliktam na Blizkim Uschodzie.
Ciapier, kali košt paliva pastupova źnižajecca, pieravozčyk viartaje častku časova spynienych maršrutaŭ. U zimovym raskładzie znoŭ źjaviacca rejsy ŭ Tajłand, u tym liku rehularnyja paloty ŭ Banhkok, jakija startujuć 25 kastryčnika.
Akramia taho, z 10 žniŭnia Belavia płanuje adnavić čartarnyja rejsy ŭ Dochu. Taksama kampanija razhladaje mahčymaść adkryćcia palotaŭ na Maldyvy.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior6
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary