U Biełarusi źnikajuć ujuny. Pryčyn adrazu try

Niekatoryja vidy ryb, jakija vodziacca ŭ Biełarusi, vyklikajuć tryvohu ŭ navukoŭcaŭ z-za rezkaha skaračeńnia papulacyi. Jak raskazaŭ staršy navukovy supracoŭnik łabaratoryi ichtyjałohii NPC NAN Biełarusi pa bijaresursach Alaksiej Palatajeŭ, pad pahrozaj apynulisia ŭjuny, piša vydańnie «Smartpres».

Fota: zarya.by

Ichtyjołah padzialiŭsia niaradasnaj tendencyjaj: kolkaść ujuna zvyčajnaha ŭ akvatoryjach krainy skaraciłasia ŭ razy ŭ paraŭnańni z toj, što była ŭ 1970— 1980‑ia hady. Rybu navat uklučyli ŭ dadatak da novaj redakcyi Čyrvonaj knihi — «Śpis vidaŭ, jakija patrabujuć dadatkovaha vyvučeńnia i ŭvahi ŭ metach prafiłaktyčnaj achovy».

«Z-za mielijaracyi ŭjun stračvaje miescy dla svajho žyćcia — pojmiennyja vadajomy, zailenyja aziarcy i bałoty, — tłumačyć pryčyny taho, što adbyvajecca, Alaksiej Palatajeŭ. —

Da taho ž jahonymi malkami aktyŭna charčujecca invaziŭny vid ryb — ratan-hałavieška. U mnohich miescach, dzie žyvuć ujuny, kolkaść ratana nie rehulujecca, bo inšyja drapiežnyja ryby tam nie žyvuć z-za niespryjalnaha kisłarodnaha režymu.

Jašče adna prablema ŭjuna — aeramanoz. Heta zaraznaja bakteryjalnaja infiekcyja, jakaja pryvodzić da masavaj hibieli vidu ŭ šerahu krain Jeŭropy, u tym liku, miarkujučy pa ŭsim, u Biełarusi».

Kamientary da artykuła