Na Biarezinie babrujskamu rybałovu ŭdałosia vyciahnuć vialiki trafiej — sudaka vahoj bolš za 8 kiłahramaŭ. Pra heta jon raskazaŭ vydańniu Fishingby.com.
Pa słovach mužčyny, taki ŭłoŭ — redkaja ŭdača, jakaja zdarajecca «raz u žyćci».
Andrej Bałyka adpraviŭsia na viačerniuju rybałku ŭ papularnaje siarod miascovych miesca na race.
Niekalki hadzin rybałoŭ mianiaŭ prymanki — silikon, voblery, parałon — i sprabavaŭ roznyja sposaby, adnak ničoha nie było. Tolki paśla čarhovaj źmieny prymanki na mandułu i doŭhaha visieńnia snaści ŭ rajonie jon adčuŭ lohki dotyk.
Spačatku Andrej vyrašyŭ, što na kručku som, ale chutka stała zrazumieła, što supraciŭlajecca vialiki sudak, vočy jakoha «pry śviatle lichtaryka śviacilisia chałodnym blaskam».
Dakładnaja vaha złoŭlenaj ryby skłała 8,255 kiłahrama. Heta novy zafiksavany rekord pa sudaku ŭ Biełarusi. Papiaredni naležaŭ ziemlaku z Babrujsk Andreju Šeŭčyku, jaki ŭ śniežni minułaha hoda viarnuŭsia z rybałki na Prypiaci z sudakom vahoj 7,7 kiłahrama, pieraadoleŭšy ŭ svaju čarhu płanku Jaŭhienija Bućkaŭca z Homiela. Letam 2024‑ha toj złaviŭ sudaka na 7,1 kh. Ale niekatoryja rybałovy ŭpeŭnieny, što samyja vialikija ekziemplary sudakoŭ u Biełarusi składali 13—14 kh.
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB4
Kamientary