Łukašenka nie pryjšoŭ i na viačerni kancert u honar 3 lipienia
Na hała-kancercie kala steły ŭ Minsku ad imia Łukašenki jaho ŭdzielnikam tolki pieradali kvietki. Sam ža jon na mierapryjemstva nie źjaviŭsia.
Alaksandr Łukašenka. Fota: Evgenia Novozhenina Pool Photo via AP
Ranicaj na ŭračystaściach kala Kurhana Słavy zamiest Łukašenki vystupaŭ dziaržsakratar Rady biaśpieki Alaksandr Valfovič. Taksama ad imia pres-słužby byŭ vydadzieny tekst jahonaha vinšavańnia, a samoha jaho nie pakazvali.
Vidać, asabista ŭziać udzieł u mierapryjemstvach Łukašenku nie dazvoliła zdaroŭje, bo tolki ranicaj 3 lipienia jon viarnuŭsia z «praciahłaj kamandziroŭki». Jana doŭžyłasia ceły tydzień i ŭ chodzie jaje Łukašenka naviedaŭ čatyry krainy: Rasiju, Kitaj, Indanieziju i Mjanmu. Viartajučysia z apošniaj, jon pieranios 12‑hadzinny pieralot.
Padčas znachodžańnia Łukašenki ŭ Indaniezii miascovyja žurnalisty źniali, jak jon ź ciažkaściu spuskaŭsia pa leśvicy. Pa prystupkach palityk ruchaŭsia z prykmietnaj ciažkaściu i kulhajučy, źviarnuła ŭvahu vydańnie Reform.news.
Čytajcie taksama:
Tramp pažadaŭ Łukašenku «mirnaha hoda»
Cyrymonija ŭskładańnia kvietak da Kurhana Słavy prajšła biez Łukašenki
Vizit Łukašenki ŭ Mjanmu praciahvaŭsia 3 hadziny 40 chvilin
Łukašenku sustrakali ŭ Indaniezii z arkiestram i harmatami. Ale jamu było nie da taho VIDEA