Cyrymonija ŭskładańnia kvietak da Kurhana Słavy prajšła biez Łukašenki
Pramovu zamiest jaho začytaŭ Valfovič.
Cyrymonija ŭskładańnia kvietak i viankoŭ da Kurhana Słavy 3 lipienia prajšła biez Alaksandra Łukašenki, jaki tolki ŭnačy viarnuŭsia z Mjanmy. Hod tamu jon asabista ŭdzielničaŭ u joj razam z synami, źviarnuŭ uvahu Reform.news.
Da Kurhana Słavy byŭ uskładzieny vianok ad jaho imia. Kvietki ŭskłali vyšejšyja słužbovyja asoby Biełarusi. Z zvarotam da prysutnych vystupiŭ dziaržsakratar Savieta biaśpieki Alaksandr Valfovič. Učora na ŭračystym schodzie, pryśviečanym Dniu niezaležnaści, z pramovaj vystupaŭ premjer-ministr Alaksandr Turčyn.
Valfovič nazvaŭ Kurhan Słavy simvałam vyzvaleńnia ad fašyzmu. Jon nahadaŭ asnoŭnyja viechi Druhoj suśvietnaj vajny na terytoryi krainy.
«Kažučy pra minułaje i sučasnaść, my niepaźbiežna dumajem pra budučyniu. A budučynia Biełarusi — heta naša moładź. Taja moładź, jakuju ja baču siońnia kala Kurhana Słavy, jana niasie estafietu pamiaci, jakuju nam pieradali dziady i pradziedy», — praciahnuŭ jon.
Valfovič padkreśliŭ, što siońnia Biełaruś — heta kraina, jakaja aktyŭna ŭdzielničaje ŭ mižnarodnym paradku dnia. Jaje pazicyja hučyć na placoŭkach ŠAS i SND, u dyjałohu z partniorami ŭ Azii, Afrycy i Łacinskaj Amierycy.
«Vizit našaha kiraŭnika dziaržavy, jaki tolki što, niadaŭna zaviaršyŭsia, pa krainach Paŭdniova-Uschodniaj Azii, jarkaje tamu paćviardžeńnie.
Biełaruskija VNU štohod prymajuć sotni zamiežnych studentaŭ, jakija viartajucca dadomu i raspaviadajuć praŭdu pra našu dziaržavu», — skazaŭ jon.
Dziaržsakratar Saŭbieza taksama adznačyŭ składanuju abstanoŭku vakoł Biełarusi, ale, pavodle jaho słoŭ, kraina pad kantrolem siłavoha błoka.
«Mižnarodnaja abstanoŭka napalena da miažy. Vy bačycie, što adbyvajecca kala našych miežaŭ. Niahledziačy na heta, my kantralujem situacyju. Kraina pad nadziejnaj abaronaj siłavoha błoka.
Razam z tym niezaležnaść patrabuje adzinstva i ahulnaj adkaznaści za los našaj dziaržavy. Biełarusy koštam žyćcia cełaha pakaleńnia zapłacili za ciapierašni dabrabyt.
My abaviazany bierahčy toje, što siońnia majem. Bieražycie mir. Jon dalikatny. Bieražycie siamju, jana fundamient. Bieražycie krainu, jana naša. Jak kaža kiraŭnik dziaržavy, inšaj niama i nie budzie. My sami vyznačajem svaju budučyniu. My naščadki pieramožcaŭ, i my pavinny być hodnyja hetaha zvańnia», — zaklučyŭ jon.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej12
Kamientary