Cichanoŭskaja pavinšavała amierykancaŭ z Dniom niezaležnaści
Jana padziakavała Trampu i Koŭłu za namahańni pa vyzvaleńni palitviaźniaŭ
«U suviazi z 250‑hodździem Dekłaracyi niezaležnaści ZŠA my šanujem ideały, jakija praciahvajuć natchniać ludziej va ŭsim śviecie: svabodu, hodnaść i prava kožnaj nacyi vybirać svaju budučyniu», — napisała 4 lipienia ŭ X Śviatłana Cichanoŭskaja.
Jana vykazała hłybokuju padziaku prezidentu Donaldu Trampu, usioj jaho administracyi i śpiecpasłańniku Džonu Koŭłu za «ich humanitarnyja namahańni pa viartańni [biełaruskich] palityčnych viaźniaŭ dadomu».
Nahadajem, što dziakujučy vysiłkam amierykanskaj administracyi i vizitam u Minsk z 21 červienia pa 19 sakavika byli vyzvalenyja čatyry vialikija hrupy paditviaźniaŭ: 21 červienia — 14 čałaviek, 11 vieraśnia — 51, 13 śniežnia — 123. 19 sakavika była vyzvalenaja samaja vialikaja hrupa — 250 čałaviek.
Zaraz pavodle «Viasny» ŭ Biełarusi 860 palitviaźniaŭ. 1 lipienia stała viadoma pra pamiłavańnie 28 čałaviek, ale imiony nie nazyvalisia.
Čytajcie taksama:
Łukašenka pavinšavaŭ Trampa z Dniom niezaležnaści i 250‑hodździem ZŠA