Łukašenka pavinšavaŭ Trampa z Dniom niezaležnaści i 250‑hodździem ZŠA
«Niemahčyma biez zachapleńnia nazirać za tym, jakich vyšyń zdoleła dasiahnuć amierykanskaja nacyja za čverć tysiačahodździa svajho isnavańnia», — havorycca ŭ vinšavańni.
Alaksandr Łukašenka pavinšavaŭ Donalda Trampa z Dniom niezaležnaści i 250‑hodździem utvareńnia Złučanych Štataŭ Amieryki, paviedamił ŭ jaho pres-słužbie.
«Niemahčyma biez zachapleńnia nazirać za tym, jakich vyšyń zdoleła dasiahnuć amierykanskaja nacyja za čverć tysiačahodździa svajho isnavańnia. Vysadka na Miesiac, značnyja dla ŭsiaho čałaviectva praryvy ŭ halinie navuki i miedycyny, surjoznyja ekanamičnyja dasiahnieńni — usio heta prykłady metanakiravanaści, pracavitaści i sapraŭdnaha patryjatyzmu amierykancaŭ», — havorycca ŭ vinšavańni.
Łukašenka taksama źviarnuŭ uvahu, što nievypadkova hetaja važnaja data — 250‑hodździe ŭtvareńnia ZŠA — prypadaje na pieryjad prezidenctva čałavieka, jaki prykładaje ŭsie namahańni dziela dabrabytu svajoj krainy.
«Pamiž našymi narodami nikoli nie isnavała supiarečnaściaŭ, i ja jak prezident Biełarusi hatovy pracavać razam dziela narmalizacyi biełaruska-amierykanskich adnosin, a taksama padtrymlivać Vašy imknieńni zrabić našu płanietu bolš biaśpiečnym miescam dla našych dziaciej i ŭnukaŭ», — padkreśliŭ Alaksandr Łukašenka.
-
Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
-
Ryžankoŭ spadziajecca na paciapleńnie adnosin z Polščaj
-
Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Kamientary