Pjany miechanik skraŭ čužuju mašynu, kab sustrecca z žančynaj. Ale jana hetaha nie acaniła
U minskuju milicyju pastupiła paviedamleńnie pra kradziež słužbovaha aŭtamabila adnoj sa staličnych arhanizacyj. Mašyna źnikła nočču razam z 38‑hadovym miechanikam, jaki časova žyŭ u adnym z pamiaškańniaŭ pradpryjemstva.
Skrynšot ź videa
Nieŭzabavie aŭtamabil znajšli ŭ adnym z rajonaŭ Minskaj vobłaści. Vyśvietliłasia, što na im pajechaŭ sam rabotnik.
Niezadoŭha da hetaha mužčyna paznajomiŭsia ŭ sacyjalnaj sietcy z žančynaj. Paśla karotkaj pierapiski jon prapanavaŭ sustrecca asabista. Kab dajechać da novaj znajomaj, jon biez dazvołu ŭziaŭ čužy aŭtamabil. Adnak kali pozna ŭviečary dabraŭsia da jaje doma, žančyna nie adčyniła dźviery i nie adkazała na telefonnyja zvanki.
Paśla hetaha mužčyna pajechaŭ na najbližejšuju stajanku, dzie padčas parkoŭki najechaŭ na bardziur. Samastojna vybracca jon užo nie zmoh, bo byŭ u stanie ałkaholnaha apjanieńnia. Aŭtamabil zaŭvažyli kiroŭcy, jakija prajazdžali mima, i vyklikali supracoŭnikaŭ DAI.
U dačynieńni da mužčyny raspačali kryminalnuju spravu za ŭhon aŭtamabila. Taksama na jaho skłali administracyjny pratakoł za kiravańnie transpartnym srodkam u stanie ałkaholnaha apjanieńnia.
Čytajcie taksama:
«Jon skazaŭ, što nakładzie praklon!» Ekstrasens ź internetu prymusiŭ minčanku ździejśnić kradziež
Na Mahiloŭščynie ŭ mužčyny kanfiskavali ceły arsienał zbroi i vybuchovych rečyvaŭ
Biełarus tolki vyzvaliŭsia z kałonii i zabiŭ dźviuch pažyłych žančyn na leciščy
Kiroŭca, jaki prataraniŭ kamienny płot u Niaśvižy, pierad tym skraŭ mašynu ŭ Klecku