Biełarus tolki vyzvaliŭsia z kałonii i zabiŭ dźviuch pažyłych žančyn na leciščy
Padrabiaznaści žudasnaj historyi ŭ Łahojskim rajonie.
18 listapada 43‑hadovy mužčyna vyzvaliŭsia paśla adbyćcia pakarańnia. Jon pajechaŭ u viosku Zabiarozaŭka Łahojskaha rajona. Tam pasialiŭsia ŭ łaźni na terytoryi adnaho z učastkaŭ.
Na praciahu tydnia abvinavačany tajna žyŭ u domie, ź jakoha raniej kraŭ rečy, paviedamlaje Hienprakuratura.
28 listapada haspadynia doma pryjechała na lecišča ź siabroŭkaj. Mužčyna źbiŭ pałkaj 77‑hadovuju haspadyniu doma i jaje 70‑hadovuju znajomuju, paśla čaho adklučyŭ ich mabilnyja telefony.
Jon pierakanaŭ žančyn sabrać asabistyja rečy i pieradać jamu klučy ad haraža i aŭtamabila Toyota, na jakim nibyta pavinien byŭ advieźci ich u balnicu. Pry hetym jon uziaŭ z saboj rydloŭku i siakieru.
Abvinavačany advioz žančyn da vioski Niŭki. Tam jon vyciahnuŭ ich z aŭtamabila, nanios im siakieraj mnostva ŭdaraŭ pa hałavie i kaniečnaściach. Pierakanaŭšysia, što žančyny miortvyja, zakapaŭ ich cieły.
Zatym mužčyna viarnuŭsia ŭ Zabiarozaŭku, skraŭ ich majomaść, u tym liku niekalki butelek ałkaholu, šakaładki, cukierki, dryl-šurupaviort, smart-kamieru i batarejki.
29 listapada jaho zatrymali ŭ Łahojsku.
«Admietna, što raniej mužčyna adbyvaŭ pakarańnie za kradziež majomaści adnoj z paciarpiełych na hetym ža dačnym učastku ŭ v. Zabiarozaŭka Łahojskaha rajona, jaki jon ździejśniŭ u 2022 hodzie», — dadali ŭ prakuratury.
Jamu inkryminavana zabojstva dźviuch pažyłych žančyn, a taksama kradziež (č. 2 art. 205, p.p. 1, 2, 6, 16 č. 2 art. 139, č. 3 art. 205 Kryminalnaha kodeksa). Sprava pieradadziena ŭ sud.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
A ludzi za łajk na 8 hadoŭ u kałonii.
Łukašysty, vy zusim durnyja?