U Cniancy pad Minskam płanujuć pabudavać novy žyły kvartał

Pad Minskam moža źjavicca novy žyły kompleks pad nazvaj «Most». Jaho płanujuć pabudavać u vioscy Cnianka na bierazie raki, jakaja, pavodle prajekta, budzie prachodzić praz terytoryju kvartała, piša Office Life.

Fota: kvartalmost.by

Rajon dla zabudovy znachodzicca pobač z kompleksam «Paŭnočny bierah», dzie ŭžo raźvivajecca sučasnaja haradskaja infrastruktura. Pobač raźmieščany pryvatny siektar, biez šmatpaviarchovaj zabudovy.

Dla realizacyi prajekta stvoranaja kampanija-zabudoŭščyk «Bud-AnDzi», jakaja ŭžo adkryła papiaredni zapis dla patencyjnych kupcoŭ, kab acanić popyt.

Prajekt praduhledžvaje budaŭnictva 11‑ci čatyrochpaviarchovych urban-vił i 36 taŭnchausaŭ vyšynioj dva-try pavierchi. Praduhledžanyja panaramnyja vokny i stoli vyšynioj try mietry. Płošča kvater składzie ad 55 da 172 kvadratnych mietraŭ, a taŭnchausaŭ — ad 117 da 146 kvadratnych mietraŭ.

Taksama płanujecca ŭparadkavać terytoryju ŭzdoŭž raki: stvaryć piešachodnuju zonu, abstalavać spartyŭnyja placoŭki, pirs, piasčany plaž i łaźniu.

Pavodle zadumy, novy kvartał pavinien stać žyłym kompleksam pavyšanaha ŭzroŭniu kamfortu. Adnak realizacyja prajekta pakul znachodzicca na stadyi padrychtoŭki.

Kamientary da artykuła