U Minsku płanujuć pabudavać novy mahistralny kalektar liŭnievaj kanalizacyi na vulicy Cimirazieva. Pra heta paviedamiŭ hienieralny dyrektar pradpryjemstva pa budaŭnictvie i ŭtrymańni daroh i mastoŭ Minharvykankama Uładzimir Łatuškin.
Pa słovach čynoŭnika, sioleta ŭ stalicy praciahvajecca rekanstrukcyja liŭnievych kalektaraŭ. Raboty na dvuch abjektach užo zavieršanyja, a ŭ najbližejšy čas jany pačnucca na vulicach Parnikovaj i Jakuba Kołasa. Akramia taho, da kanca hoda płanujuć abnavić jašče try-čatyry kalektary, što pavinna dapamahčy skaracić kolkaść padtapleńniaŭ padčas mocnych daždžoŭ.
Novy mahistralny kalektar na vulicy Cimirazieva budzie źbirać i advodzić daždžavuju vadu. Pavodle acenak śpiecyjalistaŭ, u Minsku ŭžo jość raźvitaja sietka liŭnievaj kanalizacyi, adnak horadu nie chapaje mienavita bujnych kalektaraŭ dla efiektyŭnaha advodu vady.
Taksama sioleta praciahvajecca budaŭnictva padjaznoj darohi ad MKAD-2 da pramysłovaj zony Kaladzičy. Adkryć ruch pa joj płanujuć da kanca hoda, kab źnizić nahruzku na Minskuju kalcavuju aŭtamabilnuju darohu.
Akramia hetaha, idzie rekanstrukcyja vulicy Lili Karastajanavaj. Jaje płanujuć uvieści ŭ ekspłuatacyju sioleta, kab palepšyć transpartnuju dastupnaść novaha žyłoha rajona «Paŭnočny bierah».
Na sieradu znoŭ abviaścili apošni čyrvony ŭzrovień niebiaśpieki — zaŭtra apošni dzień piekła
U Babrujsku śpioka siońnia dniom rezka źmianiłasia na niepahadź FOTY i VIDEA
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam
U Dziaržynsku prajšoŭ doždž z bujnym hradam
Kamientary