Buduć rehulavać ceny na ŭłasnuju pradukcyju, jakuju robiać handlovyja sietki

U Biełarusi pašyrać dziaržaŭnaje rehulavańnie cen na pradukcyju ŭłasnaj vytvorčaści, jakuju vypuskajuć abjekty hramadskaha charčavańnia pry handlovych sietkach, paviedamiŭ namieśnik ministra antymanapolnaha rehulavańnia i handlu Aleh Dzikun.

Zdymak ilustracyjny. Fota: Jandeks-Karty

Novyja praviły zakranuć šerah papularnych tavaraŭ, u tym liku chlebabułačnyja vyraby, raździełku miasa, kurycy i ryby, a taksama małasolnuju rybu, jakaja vyrablajecca niepasredna ŭ kramach.

Jak rastłumačyli ŭ Ministerstvie antymanapolnaha rehulavańnia i handlu, takoje rašeńnie pryniata paśla zvarotaŭ hramadzian. Pakupniki źviartali ŭvahu, što pradukcyja, vyrablenaja ŭ handlovych sietkach, časta kaštuje značna daražej za anałahičnyja tavary ŭ firmovych kramach vytvorcaŭ.

Zhodna z novymi normami, pry prodažy takoj pradukcyi praz roźničny handal nacenka abjektaŭ hramadskaha charčavańnia nie pavinna pieravyšać 10%.

Adpaviednyja źmieny ŭ sistemu dziaržaŭnaha rehulavańnia cen zaćvierdžanyja pastanovaj urada ad 10 lipienia. Novyja patrabavańni pačnuć dziejničać praź dziesiać dzion paśla aficyjnaha apublikavańnia dakumienta.

Kamientary da artykuła