«Sardečna zaprašajem adsiul». Rasijaninu prapanavali pracu ŭ Minsku za 4000 rubloŭ, ale hetaha jamu padałosia mała

Žychar Sankt-Pieciarburha Jaŭhien Kartamyšaŭ napisaŭ u Treds post dla rasijan, jakija pierajazdžajuć u Minsk, zaŭvažyła «Salidarnaść». 

«Mnie ŭčora prapanavali vyjści na pracu z zarobkam 4000 BYN. Kažuć, što dla Minska heta vielmi dobry zarobak, ale davajcie ličyć:

2150 — arenda kvatery,

250 — kamunałka;

100 — sadok adnaho dziciaci;

100 — sadok druhoha dziciaci.

Atrymlivajecca 4000 — 2600 = 1400 BYN.

Ni ŭ čym sabie nie admaŭlajcie. Voś i dumajcie, varta šukać pracu ŭ Minsku ci nie».

Post sabraŭ bolš za tysiaču kamientaryjaŭ.

«Daj biełarusu zarobak 4000 — jon budzie haspadarom śvietu»

«Sardečna zaprašajem adsiul!», «Usio pravilna! Žachlivy zarobak, chutčej jedźcie dadomu», — napisali karystalniki Tredsa aŭtaru pasta.

Bolšaść biełarusaŭ pytajucca, na jakoj pracy rasijaninu prapanavali taki zarobak. Jon patłumačyŭ, što vakansija — kiraŭnik prajekta ŭ cechu.

«U maim horadzie jość zarobak 800 rub., 4000 tut tolki śnicca ludziam», — napisali jamu.

«A vy na 1500 pražyć pasprabujcie. 1500 — heta dobry zarobak ličycca».

«Daj biełarusu zarobak 4000, jon budzie haspadarom śvietu, kupić kvateru, haraž dla svajho V5 i bulby. Uletku standartny Jehipiet z žonkaj. Ale ŭ mnohich takich zarobkaŭ niama».

«Sardečna zaprašajem u realnaść. 4000 — heta radujciesia, što vam prapanavali. U Minsku 3000 — heta ŭžo šyk zarobak. I źniać kvateru tut niatannaje zadavalnieńnie».

Rasijanina pasłali ŭ kałhas: «Usio ŭ razy tańniej budzie!»

«Navošta ŭ Minsk? Jedźcie ŭ ahraharadok — tam poŭna pracy, i dom daduć umoŭna biaspłatna. My žyviom u ahraharadku, i nam na siamju dali dom. Śpiecyjalna kałhas buduje damy dla rabotnikaŭ. Try pakoi, kuchnia, praŭda, biez mebli. Žyviom užo hod. Płacim tolki kamunałku. Dziaciej 5 čałaviek. Sad, škoła pobač, takich haradoŭ mnoha. Ja ŭ škole pracuju, muž na fiermie. Sami z Maskvy».

«Akramia žartaŭ — jedziecie ŭ kałhas, uładkoŭvajeciesia miechanizataram, atrymlivajecie 5000‑6000 u siezon, 4000‑4500 zimoj. Umoŭna biaspłatna atrymlivajecie pryvatny dom, dzie žyć! Biaspłatny sadok, škołu, dapamohu da vodpusku, jašče praduktovy pakiet z pradpryjemstva. Žyćcio naładžvajecca! U Minsk nie jedziecie, i ŭsio ŭ razy tańniej budzie! Ceny zavyšanyja ŭ stalicy, u tym liku dziakujučy rasijanam».

Adzin z tredčan piarečyŭ, što takich zarobkaŭ u haspadarkach niama: 1000 — zimoj, 4000 — letam.

Jak vyžyć na 13 rubloŭ na dzień — biełaruska padzialiłasia dośviedam

Biełaruska napisała, što ŭ jaje zarobak 2700 rubloŭ čystymi, za kredyt na novuju kvateru jana vypłačvaje 1900, kamunałka — 150, internet — 50. Akramia taho, u dziaŭčyny jość jašče adzin kredyt, za jaki štomiesiac jana vypłačvaje 200 rubloŭ. Razam na charčavańnie zastajecca 400 rubloŭ — na adnaho čałavieka z katom.

«Voś jak žyvuć biełarusy. Vypłaču kvateru, kuplu aŭto ŭ kredyt», — padzialiłasia jana. Pavodle słoŭ dziaŭčyny, jana mała jeść karysnaha: «Hrečka, makarony, kuryca. Ahurki, kapusta. Šmat bułačak i blinoŭ. U novaj kvatery stała šmat piačy: zapiakanki, kieksy, pirahi».

Rasijanin ździviŭsia, jak možna vyžyć na 13 rubloŭ na dzień. Biełaruska patłumačyła: «Tak, tolki nie na dzień. Zakuplajusia prykładna na 60 rubloŭ na tydzień. Štości dakuplaju pa drobiaziach na praciahu tydnia. Sama hatuju. Nijakich stałovych i restaranaŭ, kavu nie pju ŭsio žyćcio. Usio vielmi stroha».

U kamientaryjach taksama ździvilisia canie na arendu žylla ŭ Minsku. Aŭtar pasta patłumačyŭ, što takija prapanovy znajšoŭ na Kufary.

«Popyt naradžaje prapanovu, — razvažaje adzin z kamientataraŭ. — Takija ceny na žyllo tolki tamu, što achvotnych z hrašyma ŭsio jašče bolš, čym tych, chto zdaje kvatery. I z napłyvam rełakantaŭ, asabliva z top-3 rasijskich haradoŭ, situacyja budzie ŭsio horšaj. Tamu što z maskoŭskimi ci picierskimi zarobkami z dystancyjnaj pracaj vielmi i vielmi kamfortna možna žyć u Minsku, na šyrokuju nahu. Adsiul i situacyja na rynku žylla».

U bok aŭtara pasta pasypalisia i abvinavačvańni ŭ tym, što heta z-za ich, rasijan, arenda ŭ Minsku 2150 rubloŭ zamiest 1000.

«Vy pryjechali sa svaimi cenami ŭ Hruziju, padniali tam ceny na arendu. Ciapier vy pryjechali sa svaimi cenami ŭ Biełaruś, taksama padniali ceny na arendu. Kali vy hatovyja płacić 500-800$ za arendu, heta nie značyć, što miascovyja z zarobkam 600$, jakija žyvuć na arendzie, mohuć stolki płacić. Siadzicie lepš u siabie doma i nie psujcie ludziam žyćcio. I tak, tut 4000 rubloŭ ličacca vialikimi hrašyma, mnohija atrymlivajuć hetyja hrošy za 2‑3 miesiacy».

Ale nie ŭsie z hetym zhodnyja:

«Chopić pisać, što 4000 rubloŭ — dobry zarobak. Zarobak «dobry» na fonie nizkich zarobkaŭ i nizkaha ŭzroŭniu žyćcia. U mnohich u dva razy nižejšy, ale dla žyćcia hetaha mała. Tatalnaja haleča».

• 0
• 0
• 0
• 0
• 0
• 0
• 0
• 0